„გავიგუდეთ“ კომენტარები შპს „მეგა ცემენტის“ სკოპინგის ანგარიშზე: რა გაითვალისწინა სააგენტომ სკოპინგის დასკვნის გაცემისას
„გავიგუდეთ“ კომენტარები შპს „მეგა ცემენტის“ სკოპინგის ანგარიშზე: რა გაითვალისწინა სააგენტომ სკოპინგის დასკვნის გაცემისას
2024 წლის 29 ივლისს დავესწარით შპს „მეგა ცემენტის“ ცემენტის საწარმოს ექსპლუატაციის პირობების ცვლილების შესახებ სკოპინგის ანგარიშის საჯარო განხილვას. ანგარიშთან დაკავშირებით სამინისტროს ტრადიციულად გავუგზავნეთ ჩვენი კომენტარებიც (იხ. ბმული).
ჩვენი ერთ-ერთი კომენტარის შესაბამისად, სააგენტომ მოცემულ საქმიანობაზე სკოპინგის დასკვნის (დასკვნა N48, 22.08.24) გაცემის შემდეგ, დასკვნა და მისი თანმხლები დოკუმენტაცია გამოგვიგზავნა ჩვენც. ამ ინფორმაციის პარალელურ მოწოდებას ჩვენი მოძრაობა სამინისტროს წლებია, სთხოვს და მივესალმებით, რომ ამჯერად გაითვალისწინეს ჩვენი ეს კომენტარი.
რაც შეეხება, სკოპინგის დასკვნის შინაარსობრივ ნაწილს, გთავაზობთ იმ საერთო საკითხებს, რაც საქმიანობასთან/ანგარიშთან დაკავშირებით ხაზგასმულია ჩვენ მიერ და სააგენტოს მიერ გაცემულ დასკვნაში:
– ჩვენი კომენტარის მსგავსად, სააგენტოს დასკვნაშიც მითითებულია საწარმოს მიმართ, რომ გზშ-ში დააზუსტოს გაფრქვევების უწყვეტი მონიტორინგის საკითხი;
– სააგენტოს დასკვნაში ასევე მითითებულია აირმტვერდამჭერი სისტემის შესახებ დეტალური ინფორმაციის მოწოდების საჭიროება;
– სკოპინგის დასკვნის მიხედვით, კომპანიამ უნდა დაასაბუთოს ძველი წისქვილის გამართულობა და წარმოადგინოს დანადგარის საპასპორტო მონაცემები.
სააგენტოს მიერ საწარმოსთვის სკოპინგის დასკვნით განსაზღვრული პირობების შესახებ სრულ ინფორმაციას იხილავთ ამ ბმულზე.
მასალა მომზადებულია USAID-ის საჯარო მმართველობის პროგრამის ფინანსური მხარდაჭერით