ბრძოლა ჰაერის დაბინძურების წინააღმდეგ რუსთავში

ბრძოლა ჰაერის დაბინძურების წინააღმდეგ რუსთავში

პროექტი მიზნად ისახავდა სამოქალაქო მოძრაობის “გავიგუდეთ” შესაძლებლობების გაზრდასა და გაძლიერებას, რათა მოძრაობის მიერ დაგეგმილ ადვოკატირების კამპანიასა და აქტივობებში ჩართულიყო უფრო მეტი ადამიანი და შესაძლებელი გამხდარიყო უკეთესი შედეგების მიღწევა.

USAID/EWMI ACCESS-ის დახმარებით, მოძრაობამ შეძლო, რომ განეხორციელებინა შემდეგი აქტივობები:

რუსთავში ჰაერის დაბინძურების პრობლემაზე უფრო ფართო ყურადღების მიპყრობის მიზნით „გავიგუდეთ“-ის სოციალური მედიის კამპანიის გაძლიერება;

რუსთავში საჯარო დისკუსიების ორგანიზება ჰაერის დაბინძურების პრობლემის შესახებ ცნობიერების ამაღლებისა და მოქალაქეების წახალისების მიზნით, რომ მონაწილეობა მიიღონ „გავიგუდეთ“– ის კამპანიებსა და საქმიანობაში;

საინფორმაციო ტურები ადგილობრივი მოსახლეობის და სხვა დაინტერესებული პირებისთვის ქალაქის ყველაზე დაბინძურებულ ადგილებსა და ქარხნების მიმდებარე ტერიტორიაზე;

რუსთავი-თბილისის მიმართულებით ეკო-მეგობრული მგზავრობის ორგანიზება და მგზავრობის დროის გამოყენება საინფორმაციო ხასიათის პრეზენტაციისთვის. აღნიშნული მგზავრობების დროს მოხდა მგზავრების ინფორმირება რუსთავში არსებული ჰაერის დაბინძურების პრობლემის და „გავიგუდეთ“-ის აქტივობების შესახებ, რათა წახალისებულიყო მათი ჩართულობა;

დაგეგმილ გარემოსდაცვით ადვოკატირების კამპანიებსა და აქტივობებში მოქალაქეთა ჩართულობის ხელშეწყობის მიზნით  რუსთავში ეკო-აქტივისტთა ქსელის შექმნა;

რუსთავში ჰაერის დაბინძურების პრობლემისა და „გავიგუდეთ“-ის აქტივობების შესახებ ფართო აუდიტორიის ინფორმირების მიზნით ვიზუალური მასალების შემუშავება და გავრცელება;

რუსთავში არსებული ქარხნების მონიტორინგი და მათი გარემოზე ზემოქმედების და ამ ქარხნების მიერ გარემოსდაცვითი საფრთხეების შემცირების მიზნით განხორციელებული ზომების შეფასება;

მოკლე ვიდეოების შემუშავება და გამოქვეყნება საზოგადოებრივ ჯანმრთელობაზე ჰაერის დაბინძურების გავლენის შესახებ;

მოკლე ვიდეოების შემუშავება და გამოქვეყნება საქართველოში ჰაერის დაბინძურების შემცირებისა და პრევენციის სამართლებრივი ზომების შესახებ;

რუსთავში არსებული ქარხნების მონიტორინგი და მათი გარემოზე ზემოქმედების და ამ ქარხნების მიერ გარემოსდაცვითი საფრთხეების შემცირების მიზნით განხორციელებული ზომების შეფასება;

რუსთავის ჰაერის დაბინძურების პრობლემის მოგვარების ეფექტური გზების შესახებ ექსპერტთა წინადადებების შემუშავება და გამოქვეყნება;

ინტერაქტიული ვებ-გვერდის შემუშავება და ფუნქციონირება, რომლის საშუალებითაც მოხდება მოქალაქეებს ინფორმირება რუსთავის ჰაერის დაბინძურების პრობლემის, „გავიგუდეთ“-ის საქმიანობის, მონაწილეობის გზების და მიღწეული შედეგების შესახებ;

გამოცდილების გაზიარებისა და რესურსების გაძლიერების მიზნით, თბილისსა და საქართველოს რეგიონებში არსებულ სხვა გარემოსდაცვით მოძრაობებთან და სამოქალაქო ჯგუფებთან დაკავშირება და თანამშრომლობა;

სხვა.

2022 წლის აგვისტოდან 2023 წლის აგვისტოს ჩათვლით USAID/EWMI ACCESS-ის მხარდაჭერით განხორციელდა პროექტი “გარემოსდაცვითი ცნობიერებისა და სამოქალაქო აქტივიზმის ხელშეწყობა რუსთავში”, რომლის ფარგლებშიც შესრულდა შემდეგი აქტივობები:

განვახორციელეთ საინფორმაციო ტურები რუსთავის ინდუსტრიულ ზონაში, საწარმოო ზონის რეგულარული მონიტორინგი და შესაბამისი ფოტო და ვიდეო მასალის გამოქვეყნება;

აქტივობა “დარეკე-153-ზე”, რომლის ფარგლებშიც გამოვითხოვეთ რუსთავთან დაკავშირებით შესული ზარები და მათზე რეაგირების ამსახველი ოქმები;

პროექტის ფარგლებში შევისწავლეთ სულ მცირე 2 საწარმოს ტექნიკური დოკუმენტი და დავესწარით მათი გზშ/სკოპინგის ანგარიშის საჯარო განხილვას. ამ დოკუმენტებზე შენიშვნებისა და რეკომენდაციების შემუშავების მიზნით დავაორგანიზეთ სამუშაო ჯგუფის შეხვედრები;

ვიდეო კონკურსი ჰაერის დაბინძურების თემაზე;

შევქმენით ვირტუალური და ფიზიკური ყუთი მოქალაქეთა იდეებისა და რეკომენდაციებისთვის;

მოვამზადეთ სხვადასხვა ტიპის ვიზუალური მასალა ნარჩენების შემცირების მნიშვნელობასა და განხორციელების პრაქტიკულ გზებზე;