ორგანიზაციის შესახებ

რას მივაღწიეთ?

მთავარი მიღწევა არის ის, რომ საზოგადოების დიდმა ნაწილმა გაიგო ქალაქში არსებული უდიდესი პრობლემის – ჰაერის დაბინძურების შესახებ და აღნიშნული საკითხი დადგა ხელისუფლების დღის წესრიგში;

• ხმა მივაწვდინეთ შესაბამის გადაწყვეტილების მიმღებ პირებს;
• მოქალაქეები ჩაერთნენ ამ პრობლემის მოგვარებაში;
• „გავიგუდეთ“ ჩაერთო „ქ.რუსთავის ატმოსფერული ჰაერის ხარისხის გაუმჯობესების სამოქმედო გეგმა 2020-2022″-ის შემუშავებაში, რომელიც დაამტკიცა მთავრობამ;
• „გავიგუდეთ“ ჩაერთო ჰაერთან დაკავშირებული საკანონმდებლო ცვლილებების განხილვაში და ეს კანონპროექტები 2021 წლის 2 მარტს დამტკიცდება პარლამენტის მიერ.

რას ვთხოვთ საზოგადოებას?

მეტ ჩართულობას და მხარდაჭერას, რადგან იმ ადამიანების რიცხვი, რომლებიც სისტემატიურად არიან ჩართული „გავიგუდეთ“-ის საქმიანობაში და იბრძვიან სუფთა ჰაერისთვის, ძალიან მცირეა.

ჩართულობაა თუნდაც ის, რომ დეტალურად გაეცნოთ პრობლემის არსს, ადამიანებს მიაწვდინოთ ხმა და აუხსნათ, რამდენად მძიმე მდგომარეობაა რუსთავში. საკითხის სათანადოდ გააზრების შემდეგ, გვჯერა, მოქალაქეებიც სათანადოდ გააქტიურდებიან, რაც დააჩქარებს ჰაერის დაბინძურების პრობლემის მოგვარებას.