„გავიგუდეთ“ არის სამოქალაქო მოძრაობა,
რომლიც 2018 წლის გაზაფხულზე დაიწყო.
ორი წლის განმავლობაში ჩვენი გუნდი საკუთარი რესურსებით, სრულიად მოხალისეობრივად ცდილობდა ჰაერის დაბინძურების პრობლემის მოგვარებას.
ორი წლის თავზე, 2020 წლის გაზაფხულზე ჩვენ გამოგვიჩდნენ მეგობრები USAID/East-West Management Institute (ACCESS) და ჰაინრიჰ ბიოლის ფონდის სახით და ისინი დაგვეხმარნენ აქტივობების დაფინანსებაში. თუმცა, გუნდის წევრები კვლავ მოხალისეებად ვრჩებით და ანაზღაურების გარეშე ვაგრძელებთ სუფთა ჰაერისთვის ბრძოლას, რადგან კარგად ვიაზრებთ ჩვენს პასუხისმგებლობას და გვჯერა, რომ საზოგადოების გულწრფელ პროტესტს დიდი ძალა აქვს.
რას ვაკეთებთ?
რატომ არის ქ.რუსთავში ჰაერის დაბინძურებული?
რუსთავში ატმოსფერული ჰაერის მყარი ნაწილაკებით (PM) დაბინძურების მთავარ წყაროს მრეწველობის სექტორი წარმოადგენს. ქალაქში არსებული გაფრქვევების 97% უმსხვილეს საწარმოებზე/დამბინძურებლებზე მოდის.
რას მივაღწიეთ?
მთავარი მიღწევა არის ის, რომ საზოგადოების დიდმა ნაწილმა გაიგო ქალაქში არსებული უდიდესი პრობლემის – ჰაერის დაბინძურების შესახებ და აღნიშნული საკითხი დადგა ხელისუფლების დღის წესრიგში.
რას ვთხოვთ საზოგადოებას?
მეტ ჩართულობას და მხარდაჭერას, რადგან იმ ადამიანების რიცხვი, რომლებიც სისტემატიურად არიან ჩართული „გავიგუდეთ“-ის საქმიანობაში და იბრძვიან სუფთა ჰაერისთვის, ძალიან მცირეა.
