ვაკანსია იურისტის პოზიციაზე

ვაკანსია იურისტის პოზიციაზე

სამოქალაქო მოძრაობა „გავიგუდეთ“ „ღია საზოგადოების ფონდის“ მიერ დაფინანსებული პროექტის „კანონმდებლობა სუფთა ჰაერისთვის – აღსრულების მონიტორინგი“ ფარგლებში აცხადებს ვაკანსიას იურისტის პოზიციაზე. პროექტი მიზნად ისახავს ქ.რუსთავში ჰაერის ხარისხის გაუმჯობესების ხელშეწყობას ჰაერდაცვითი კანონმდებლობის (მათ შორის, “ატმოსფერული ჰაერის დაცვის შესახებ”, “გარემოს დაცვის შესახებ”, “ადმინისტრაციულ სამართალდარღვევათა კოდექსი”) აღსრულების მონიტორინგისა და მოსახლეობის ინფორმირების გზით.

სამუშაო ადგილი: რუსთავი

დაწყების თარიღი: არაუგვიანეს 2021 წლის 20 ივლისი

სამუშაოს განაკვეთი: არასრული (60%-იანი დატვირთვა)

სამუშაოს ხანგრძლივობა: 6 თვე (გაგრძელების პერსპექტივით)

ანაზღაურება: 650 დოლარის ექვივალენტი ლარში (დარიცხული)

მოვალეობები:

– სტრატეგიული სამართალწარმოება ორგანიზაციის მიზნებისათვის;

– ორგანიზაციის და, საჭიროების შემთხვევაში, დაზარალებული მოსახლეობის წარმომადგენლობა სასამართლოსა და სხვა შესაბამის სტრუქტურებში;

– სამართლებრივი დოკუმენტების მომზადება;

– ჰაერდაცვითი კანონმდებლობის აღსრულების სამართლებრივი შეფასება;

– ჰაერდაცვითი კანონმდებლობის მიმართულებით საკანანონმდებლო ხარვეზების იდენტიფიცირება და შესაბამისი რეკომენდაციების მომზადება მისი გაუმჯობესების მიზნით;

– საჭიროების შემთხვევაში განცხადებების შემუშავება ორგანიზაციის სახელით;

– მოძრაობის აქტივისტების უფლებების დაცვა და შესაბამის სტრუქტურებში წარმომადგენლობა;

– საჭიროების შემთხვევაში, საწარმოო ზონის დამკვირვებელთან ერთად საწარმოო ზონის ვიზიტი;

– ანგარიშების მომზადება (სამართლებრივი ნაწილი);

– საჭიროების შემთხვევაში, ორგანიზაციის სახელით მედიასთან განცხადებების გაკეთება;

– ორგანიზაციის საქმიანობასთან დაკავშირებული სხვა საქმიანობები (სამართლებრივი ნაწილი).

საკვალიფიკაციო მოთხოვნები:

– უმაღლესი იურიდიული განათლება;

– სამოქალაქო და ადმინისტრაციული სამართლის საკითხებზე მუშაობის არანაკლებ ორწლიანი გამოცდილება;

– ადმინისტრაციულ ორგანოებში სამართალწარმოების არანაკლებ ორ წლიანი გამოცდილება;

– ენების ცოდნა: ქართული (სრულყოფილად), ინგლისური (ძალიან კარგად)

– საოფისე კომპიუტერული პროგრამების კარგი ცოდნა.

პრიორიტეტი მიენიჭებათ იმ კანიდატებს, რომლებსაც გააჩნიათ:

– სამართალში მაგისტრის ან მასთან გათანაბრებული ხარისხი;

– საერთო ან/და საკონსტიტუციო სასამართლოებში წარმომადგენლობის გამოცდილება;

– საერთო სპეციალიზაციით ადვოკატთა საკვალიფიკაციო გამოცდის ჩაბარების დამადასტურებელი სერტიფიკატი.

​უნარ–ჩვევები:

– სამართლებრივი დოკუმენტების მომზადება;

– ქართულ ენაზე სრულყოფილი ზეპირი და წერილობითი კომუნიკაცია;

– სამუშაოს შესრულების მაღალი მოტივაცია და პასუხისმგებლობა;

– გუნდური მუშაობა და მაღალი სამუშაო ეთიკა;

– შემჭიდროებულ ვადებსა და დაძაბულ რეჟიმში სამუშაოს სრულყოფილად შესრულება.

კონკურსი მოიცავს შემდეგ ეტაპებს:

1. დოკუმენტების მიხედვით კანდიდატების შერჩევა;

2. გასაუბრება მეორე ეტაპზე გადასული კანდიდატებისთვის.

გამოცხადებულ პოზიციაზე მომართვის მსურველებმა უნდა წარმოადგინონ  CV, ორი რეკომენდატორის საკონტაქტო ინფორმაცია და მაქსიმუმ 1 გვერდიანი სამოტივაციო წერილი 2021 წლის 10 ივლისის ჩათვლით შემდეგ ელექტრონულ მისამართზე gavigudet@gmail.com   მეილის დასახელებაში (subject) მიუთითეთ „იურისტი“.

არასრული სახით წარდგენილი განაცხადები არ განიხილება.

გასაუბრებისთვის დავუკავშირდებით მხოლოდ შერჩეულ კანდიდატებს არაუგვიანეს 15 ივლისისა.