საწარმოო ტური რუსთაველი და მარნეულელი ახალგაზრდებისთვის
საწარმოო ტური რუსთაველი და მარნეულელი ახალგაზრდებისთვის
8 თებერვალს, რუსთავის მე-20 და მარნეულის ორი (კასუმლოს და შულავერის) სკოლის მოსწავლეებს საწარმოო ტურზე ვუმასპინძლეთ.
ტურის მონაწილეებს ჩვენი საქმიანობა გავაცანით და ჩვენი აქტივიზმის მიზეზებზე ვუამბეთ. მოვუყევით, რატომ არის რუსთავში ჰაერი ყველაზე მეტად დაბინძურებული და რა მიღწევები და გამოწვევები გვაქვს ამ კუთხით ქალაქში.
ტური განსაკუთრებით სიახლეებით სავსე აღმოჩნდა მარნეულელი მოსწავლეებისთვის, რომელთაც ვერ წარმოედგინათ, რომ რუსთავში ამ მასშტაბის საწარმოო ტერიტორია იყო.
დღევანდელი ტურით რუსთავის პრობლემებით დაინტერესებული ახალგაზრდების წრე ქალაქის ფარგლებს გარეთაც კიდევ უფრო გაიზარდა და გვიხარია, რომ გარემოსდაცვითი ცნობიერების ამაღლებას რეგიონული მასშტაბით ვუწყობთ ხელს.
ტური ჩატარდა საქართველოში საფრანგეთის საელჩოს ფინანსური მხარდაჭერით.