სამუშაო ჯგუფის შეხვედრის ფარგლებში შპს „ფერო ელოის ფროდაქშენის“ გზშ ანგარიშის განხილვა გაიმართა.

სამუშაო ჯგუფის შეხვედრის ფარგლებში შპს „ფერო ელოის ფროდაქშენის“ გზშ ანგარიშის განხილვა გაიმართა.

2 აგვისტოს სამოქალაქო მოძრაობის „გავიგუდეთ“ ორგანიზებით მეტალურგიული (ფეროშენადნობთა) ქარხნის – შპს „ფერო ელოის ფროდაქშენის“ გარემოზე ზემოქმედების შეფასების ანგარიშის განხილვის, კომენტარებისა და შენიშვნების მომზადების მიზნით, სამუშაო ჯგუფის ფარგლებში შეხვედრა გაიმართა.

შპს „ფერო ელოის ფროდაქშენს“ დაგეგმილი აქვს ორი ინდუქციური ღუმელის მონტაჟი, რომელშიც წლიურად იწარმოება 7200 ტ/წელ ნადნობი, ჯამში – 3600 საათის განმავლობაში. საწარმო ნედლეულის სახით ჯართს გამოიყენებს.

დაგეგმილი საქმიანობის შედეგად ატმოსფეროში გამოიყოფება სხვადასხვა სახის მავნე ნივთიერება, მათ შორის: არაორგანული მტვერი, რკინის ოქსიდი, მანგანუმის ორჟანგი, აზოტისდიოქსიდი, NO2, ნახშირჟანგი, შედუღების აეროზოლი, CO, ქრომი(Cr+6), თუთიის ოქსიდი, ტყვია დამისი ნაერთები, ნიკელი მეტალური, კადმიუმის სულფატი, დარიშხანი, სპილენძის ოქსიდი, ვერცხლისწყალი.

სამუშაო ჯგუფის შეხვედრა დისტანციურად წარიმართა და მას მოძრაობის მიერ მოწვეული ტრენერი უძღვებოდა.

შეხვედრის ფარგლებში დეტალურად მიმოვიხილეთ გარემოზე ზემოქმედების შეფასების ანგარიში, მოვამზადეთ წერილობითი პოზიცია – სადაც ასახულია მოძრაობის შენიშვნები და რეკომენდაციები, რომელთაც როგორც გარემოს ეროვნულ სააგენტოს, ისე მოსახლეობას გავუზიარებთ.

შპს „ფერო ელოის ფროდაქშენის“ დოკუმენტის საჯარო განხილვა ქ.რუსთავის მერიაში 8 აგვისტოს, 13:00 საათზე შედგება, მასზე დასწრება ნებისმიერ მსურველს შეუძლია.

დოკუმენტს შეგიძლიათ გაეცნოთ ბმულზე.

შეხვედრა გაიმართა „დემოკრატიის ევროპული ფონდის“ ფინანსური მხარდაჭერით, პროექტის „ვითხოვთ უფლებას სუფთა ჰაერზე“ ფარგლებში.