სამუშაო ჯგუფის ფარგლებში შპს „ვივაცემენტის“ გზშ ანგარიშის განხილვა გაიმართა

სამუშაო ჯგუფის ფარგლებში შპს „ვივაცემენტის“ გზშ ანგარიშის განხილვა გაიმართა

დღეს, 23 ოქტომბერს, „ეკო ცენტრის“ აკადემიელებთან ერთად შპს „ვივაცემენტის“ გზშ ანგარიში განვიხილეთ.

ანგარიშსა და დაგეგმილ საქმიანობასთან დაკავშირებით, „ეკო ცენტრის“ აკადემიის წევრებთან ერთად კომენტარები და შენიშვნები მოვამზადეთ.

კომპანია აწარმოებს 2 მარკის ცემენტს და გეგმავს საწარმოს ექსპლუატაციის პირობების ცვლილებას. კერძოდ, გათვალისწინებული ცვლილებები მოიცავს:

– დამატებითი სილოსების განთავსებას;

– აირმტვერდამჭერი ფილტრების გაუმჯობესებას;

– ემისიების უწყვეტი მონიტორინგის სიტემის მოწყობას;

– სარეზერვო წისქვილის განთავსებას.

დაგეგმილ ცვლილებებთან დაკავშირებით მომზადებულ კომენტარებს აკადემიელებთან ერთად საჯარო განხილვაზე გავაჟღერებთ, რომელიც გაიმართება 31 ოქტომბერს, 14:00 საათზე, რუსთავის მერიაში. განხილვაზე დასწრების უფლება აქვს ნებისმიერ მოქალაქეს.

შეხვედრა გაიმართა USAID-ის საჯარო მმართველობის პროგრამის ფინანსური მხარდაჭერით