საინფორმაციო ტური საწარმოო ზონაში

sawarmoo turi დღეს, 30 აპრილს, ჩავატარეთ საწარმოო ტური, რომელშიც მონაწილეობა მიიღეს რუსთავის 23-ე საჯარო სკოლის მოსწავლეებმა.

მონაწილეებს რუსთავში არსებულ ჰაერის დაბინძურების პრობლემაზე ვუამბეთ, მოვუყევით რატომ და როგორ დაიწყო ჩვენი აქტივიზმი. ისიც გავაცანით, რა საფრთხე შეიძლება, შეუქმნას ჰაერის დაბინძურებამ ჩვენს ჯანმრთელობას და რა უნდა გავაკეთოთ იმისთვის, რომ ინდივიდუალურად ყველამ ვიზრუნოთ საკუთარი და გარემოს ჯანმრთელობისთვის.

ახალგაზრდებს გავაცანით, რა გაუმჯობესებები არის და რა გამოწვევები რჩება საწარმოების გამართულ ფუნქციონირებასა და ჰაერის ხარისხის გაუმჯობესების მიმართულებით, ვისაუბრეთ რა მნიშვნელობა აქვს ინდივიდუალურ ქმედებებს.

მადლობას ვუხდით ტურის მონაწილეებს ინტერესიანი ჩართულობისთვის და იმედი გვაქვს, გააგრძელებენ ჩვენთან მეგობრობას და სამოქალაქო ჩართულობას.