„გავიგუდეთ“ გარემოსდაცვითი სამართლის შესახებ სემინარს დაესწრო

„გავიგუდეთ“ გარემოსდაცვითი სამართლის შესახებ სემინარს დაესწრო

29-30 ივნისს სამოქალაქო მოძრაობა „გავიგუდეთ“ „ღია საზოგადოების ფონდის“ მიერ ორგანიზებულ სემინარს დაესწრო გარემოსდაცვითი სამართლისა და პრაქტიკის შესახებ.

ორი დღის განმავლობაში, სემინარზე განხილული იყო არაერთი საინტერესო და მნიშვნელოვანი საკითხი, მათ შორის: გარემოს დაცვა გლობალურ და ადგილობრივ კონტექსტში, კონსტიტუცია, რატიფიცირებული კონვენციები, გარემოსდაცვითი და ადმინისტრაციული კანონმდებლობა, ორჰუსის კონვენცია, საჯარო ინტერესის ცნება და კოლექტიური სარჩელი ქართულ და საერთაშორისო სამართალში. გარდა თეორიული ნაწილისა, სემინარზე განვიხილეთ გარემოსადაცვითი და ურბანული მოძრაობები საქართველოში.

ჩვენი გუნდისთვის აღნიშნული თეორიული ცოდნა და მომხსენებლების პრაქტიკული გამოცდილების გაზიარება განსაკუთრებით მნიშვნელოვანი იყო გამომდინარე სარჩელიდან, რომლის მომდევნო სხდომაც სულ მალე – სექტემბერში შედგება.

გვინდა საჯაროდ კიდევ ერთხელ მადლობა გადავუხადოთ „ღია საზოგადოების ფონდს“ მსგავსი შესაძლებლობისთვის და მონაწილეებს, რომელთა მეშვეობით ორი დღის განმავლობაში ყველა დისკუსია იყო ძალიან საინტერესო და ახალი ცოდნის მიღებასა და აზრების ჩამოყალიბებაზე ორიენტირებული.