„გავიგუდეთ“ რეგიონულ საკოორდინაციო შეხვედრას დაესწრო

„გავიგუდეთ“ რეგიონულ საკოორდინაციო შეხვედრას დაესწრო

22-23 ივნისს სამოქალაქო მოძრაობა „გავიგუდეთ“ დაესწრო რეგიონულ საკოორდინაციო შეხვედრას, რომლის ფარგლებშიც მოხდა სათემო ორგანიზაციებს შორის გამოცდილების გაზიარება განვითარების პროექტების კონტექსტში.

შეხვედრას ესწრებოდნენ საქართველოს, სომხეთისა და უზბეკეთის არასამთავრობო ორგანიზაციები, რომლებიც მუშაობენ ადამიანის უფლებათა და გარემოსდაცვით საკითხებზე სხვადასხვა მიმართულებით.

წარმოგიდგენთ შეხვედრის მიზნებს:

– ადრეული გაფრთხილების სისტემისა და სათემო რესურსების გაცვლის პროექტის გაცნობა;

– მუშაობის სტრატეგიების შესახებ სათემო და არასამთავრობო ორგანიზაციებს შორის გამოცდილების გაზიარება;

– თანამშრომლობის შესაძლებლობების განხილვა.

შეხვედრაზე მონაწილეებმა ერთმანეთს გააცნეს თავიანთი საქმიანობები, გაუზიარეს საკუთარ რეგიონებში განხორციელებული აქტივიზმის წარმატებული კამპანიები და მიმდინარე გამოცდილებები. შეხვედრის დასასრულს კი შეიმუშვეს სამომავლო თანამშრომლობის სტრატეგიები.

შეხვედრის ორგანიზატორი გახლავთ „კოალიცია ადამიანის უფლებებისთვის განვითარების პროექტებში“, რომელიც აერთიანებს 100-ზე მეტ სოციალურ მოძრაობას, სამოქალაქო საზოგადოების ორგანიზაციას და საბაზო ჯგუფებს 50 ქვეყნის გარშემო.