“გავიგუდეთ“ მარნეულში ახალგაზრდებს შეხვდა

“გავიგუდეთ“ მარნეულში ახალგაზრდებს შეხვდა

20 აგვისტოს სამოქალაქო მოძრაობა „გავიგუდეთ“ პლატფორმა „სალამის“ მიერ ჩამოყალიბებულ საინიციატივო ჯგუფს შეხვდა.

შეხვედრა დემოკრატიული ჩართულობის ცენტრების ქსელის მარნეულის ოფისში გაიმართა.

შეხვედრის განმავლობაში როგორც სტუდენტები და მოსწავლეები, ისე მასწავლებლები გავიცანით და ჩვენი საქმიანობის გარშემო აქტიური დისკუსიაც შედგა. დამსწრეებს როგორც პრობლემის, ისე ჩვენი საქმიანობის, მიღწევებისა და არსებული გამოწვევების შესახებ მოვუყევით, მათგან კი თავიანთ თემში ყველაზე მწვავე პრობლემების გადაჭრის გზების შესახებ არაერთი საინტერესო მოსაზრება მოვისმინეთ.

ჩვენთვის მსგავს სამოქალაქო ჯგუფებთან თანამშრომლობა განსაკუთრებით მნიშვნელოვანი და სასიხარულოა, ყოველთვის მზად ვართ დამწყებ აქტივისტებს ჩვენი გამოცდილების შესახებ მოვუყვეთ, რადგანაც ქვეყანაში არსებული არაერთი სოციალური პრობლემის გათვალისწინებით, დადებითი ცვლილებების განხორციელება მხოლოდ უმრავლესობის ჩართულობითაა შესაძლებელი.

შეხვედრა გაიმართა USAID-ის სამოქალაქო საზოგადოების ჩართულობის პროგრამის მიერ დაფინანსებული პროექტის „გარემოსდაცვითი ცნობიერებისა და სამოქალაქო აქტივიზმის ხელშეწყობა რუსთავში” ფარგლებში.