“გავიგუდეთ“ ბათუმელ აქტივისტსა და ჟურნალისტს ირმა ზოიძეს შეხვდა
“გავიგუდეთ“ ბათუმელ აქტივისტსა და ჟურნალისტს ირმა ზოიძეს შეხვდა
12 აგვისტოს სამოქალაქო მოძრაობის “გავიგუდეთ” ლიდერი ბათუმელ სამოქალაქო აქტივისტსა და ჟურნალისტს ირმა ზოიძეს შეხვდა.
შეხვედრის მიზანი ერთმანეთისთვის გამოცდილების გაზიარება და თანამშრომლობის შესაძლებლობის განხილვა იყო.
შეხვედრის განმავლობაში, ვისაუბრეთ თანმიმდევრული აქტივიზმის მნიშვნელობაზე, თანმიმდევრულობის მიღწევის გზებზე, ორგანიზაციული გაძლიერების საჭიროებაზე, სოციალური მედიის შესაძლებლობებზე ჩვენს ბრძოლაში, მწვანე აქტივისტთა ქსელის გაძლიერებაზე, მოქალაქეთა ჩართულობაზე და იმ შესაძლებლობებზე, რომელთაც სხვადასხვა ადგილობრივი თუ საერთაშორისო ორგანიზაცია ქმნის აქტივისტთა ჯგუფებისთვის.
პროცესში კიდევ ერთხელ გამოიკვეთა რომ გამოწვევათა უმრავლესობა ყველა აქტივისტისთვის საერთოა, რადგან ის პრობლემები რომლებთაც ვებრძვით სისტემურია და სისტემურ დონეზე ცვლილებასა და განვითარებას საჭიროებს. ეს კი წარმოუდგენელი იქნება სხვადასხვა სამოქალაქო ჯგუფების მხარდაჭერის გარეშე.
შეხვედრა გაიმართა USAID-ის სამოქალაქო საზოგადოების ჩართულობის პროგრამის მიერ დაფინანსებული პროექტის „გარემოსდაცვითი ცნობიერებისა და სამოქალაქო აქტივიზმის ხელშეწყობა რუსთავში” ფარგლებში.
პროექტის განმავლობაში კვლავ ვგეგმავთ მსგავსი ტიპის შეხვედრებს საქართველოს სხვადასხვა რეგიონში მომუშავე მწვანე ჯგუფებსა თუ აქტივისტებთან.