„გავიგუდეთ“ გიმნაზიაში გამართულ კონფერენციაზე იმყოფებოდა

„გავიგუდეთ“ გიმნაზიაში გამართულ კონფერენციაზე იმყოფებოდა

დღეს, 22 მაისს, საბუნებისმეტყველო მეცნიერებათა კათედრის კვირეულის „მომეცით უფლება, ვისუნთქო სუფთა ჰაერი“-ს ფარგლებში გიმნაზიაში გამართული კონფერენციის – „მდგრადი განვითარება და ბუნების დაცვა“ – სტუმრები ვიყავით.

კონფერენციაზე სხვადასხვა საფეხურის მოსწავლეებმა საკმაოდ მრავალფეროვანი, მნიშვნელოვანი და ინფორმატიული პრეზენტაციები წარმოადგინეს და განიხილეს საკითხების ფართო სპექტრი, მათ შორის – მდგრადი განვითარების მიზნები და გარემოს დაცვა; დაცული ტერიტორიები; ენერგიის ალტერნატიული წყაროები; გლობალური დათბობა და სმოგი; რადიაცია; ოზონის შრის მნიშვნელობა; მჟავა წვიმები და მისი გავლენა გარემოსა თუ ადამიანის ჯანმრთელობაზე; ხმაური, როგორც დამაბინძურებელი; ადამიანის ჯანმრთელობა და გარემო.

კონფერენციის ფარგლებში ვიმსჯელეთ ჰაერის დაბინძურებასა და  მის შედეგებზე ადამიანის ჯანმრთელობის გაუარესების კუთხით. ვიმსჯელეთ გამოსავალსა და პრობლემის გადაჭრის გზებზეც და, საბოლოოდ, შევთანხმდით, რომ გარემოზე ზრუნვა და გლობალური დათბობის მიერ გამოწვეული არასასურველი შედეგების თავიდან აცილება თითოეული ჩვენგანის ინდივიდუალურ ქმედებაზე გადის.

დიდ მადლობას ვუხდით თითოეულ მოსწავლესა და მასწავლებელს ბიომრავალფეროვნების საერთაშორისო დღის ასე ნაყოფიერად აღნიშვნისთვის.