„გავიგუდეთ“ 21-ე და მე-15 საჯარო სკოლის მოსწავლეებს შეხვდა
„გავიგუდეთ“ 21-ე და მე-15 საჯარო სკოლის მოსწავლეებს შეხვდა
დღეს, 27 მაისს სამოქალაქო მოძრაობა „გავიგუდეთ“ 21-ე საჯარო სკოლის მე-8 და მე-10 კლასის მოსწავლეებს და მე-15 საჯარო სკოლის ეკო კლუბი “ეკომეს” წევრებს შეხვდა.
შეხვედრის პირველ ნაწილში სამოქალაქო მოძრაობისა და მოხალისეობის მნიშვნელობაზე, ჩვენს საქმიანობაზე ვისაუბრეთ, ხოლო მეორე ნაწილში კი მოსწავლეებს ჰაერის დაბინძურების საფრთხეები და არაერთი საინტერესო სტატისტიკური მონაცემიც გავაცანით.
გვინდა, მადლობა გადავუხადოთ როგორც მასწავლებლებს, ისე მოსწავლეებს თემით დაინტერესებისთვის, სწორედ ასეთი ადამიანების გამო გვჯერა, რომ ბრძოლა ყოველთვის ღირს. მართალია, მოსწავლეებს პრობლემის მნიშვნელობა უკვე გააზრებული ჰქონდათ, თუმცა იმედია, შევძელით მათთვის საინტერესო ფაქტების მიწოდება და დღეიდან გარემოსდაცვით საქმიანობაში კიდევ უფრო აქტიურად ჩაერთვებიან, მათ შორის 5 ივნისის აქციაზეც შემოგვიერთდებიან.
პროექტი „ვიცავთ უფლებას სუფთა ჰაერზე რუსთავში“ ხორციელდება „დემოკრატიის ევროპული ფონდის“ მხარდაჭერით.