„ეკო ცენტრის“ და „გავიგუდეთ“ ორგანიზებით ეკომებრძოლთა ტრენინგი გაიმართა

„ეკო ცენტრის“ და „გავიგუდეთ“ ორგანიზებით ეკომებრძოლთა ტრენინგი გაიმართა

8-9 მაისს „ეკო ცენტრის“ და „გავიგუდეთ“ ორგანიზებით სკოლის მოსწავლეებისთვის ეკო-მებრძოლთა ტრენინგი – „გარემოსდაცვითი ადვოკატირება და სამოქალაქო აქტივიზმი“ გაიმართა.

ტრენინგს, ძირითადად, რუსთავის სკოლების მაღალკლასელი მოსწავლეები ესწრებოდნენ, თუმცა რამდენიმე მოსწავლე თბილისიდანაც შემოგვიერთდა. ორდღიან ტრენინგზე განვიხილეთ რუსთავშიარსებული გარემოსდაცვითი პრობლემები, ჰაერის დაბინძურების მიმართულებით არსებულიგამოწვევები და მიღწევები, ვისაუბრეთ გარემოსდაცვით ადვოკატირებაზე, სამოქალაქო აქტივიზმისმნიშვნელობაზე.  ტრენინგის მეორე დღეს ვისაუბრეთ ჰაერის დაბინძურების მავნე გავლენაზე ადამიანის ჯანმრთელობაზე და იმაზე, თუ როგორ შეიძლება შევამციროთ ეს გავლენა.

გარდა ინფორმაციის მიწოდებისა, ტრენინგი დატვირთული იყო პრაქტიკული ნაწილითაც, მათ შორის, მოსწავლეებს საწარმოო ზონაც ვაჩვენეთ.

ბავშვების მონდომებისა და ინტერესიდან გამომდინარე, ერთობლივი სამომავლო აქტივობებიც დავგეგმეთ და იმედი გვაქვს, რომ ჩვენს საქმიანობაში მათ კიდევ უფრო აქტიურად ჩართვას შევძლებთ.

ჩვენი გუნდისთვის განსაკუთრებით მნიშვნელოვანია ჰაერის ხარისხის პრობლემასა და სამოქალაქო აქტივიზმის, ადვოკატირების მნიშვნელობაზე მოზარდებთან საუბარი, რათა ერთად შევქმნათ რუსთავში უფრო აქტიური და ძლიერი სამოქალაქო საზოგადოება, რომელიც ქალაქში არა მხოლოდ ეკოლოგიური, არამედ სხვა სოციალური პრობლემების მოგვარებისთვისაც იბრძოლებს.

ტრენინგი გაიმართა ჰაინრიჰ ბიოლის ფონდის თბილისის ოფისის მხარდაჭერით, პროექტის „ჰაერის დაბინძურება რუსთავში“ ფარგლებში.