„დაბალემისიიანი მობილობის გამოწვევები და პერსპექტივები საქართველოში“ – ზეპირი მოსმენა
„დაბალემისიიანი მობილობის გამოწვევები და პერსპექტივები საქართველოში“ – ზეპირი მოსმენა
5 ივნისს ჩვენი მოძრაობა ერთ-ერთი მნიშვნელოვანი პოლიტიკის დოკუმენტის შემუშავებასთან დაკავშირებით სამუშაო შეხვედრას დაესწრო.
შეხვედრა გაიმართა გარემოს დაცვისა და ბუნებრივი რესურსების კომიტეტის თემატური მოკვლევის ფარგლებში – ,,მდგრადი მობილობის გამოწვევები და პერსპექტივები საქართველოში’’.
მოკვლევის მიზანი არის საქართველოში დაბალემისიიანი, მდგრადი მობილობის პოლიტიკის მიზნების მიღწევისთვის საკანონმდებლო და ინსტიტუციურ დონეზე არსებული გამოწვევების გამოვლენითა და მათი გადაჭრის გზების იდენტიფიცირებით კლიმატის ცვლილების შერბილებისა და ატმოსფერული ჰაერის დაბინძურების შემცირება.
საქართველომ დაბალემისიიანი განვითარების კონცეფცია შეიმუშავა ევროკავშირთან ასოცირების შეთანხმების და პარიზის შეთანხმების ფარგლებში აღებული ვალდებულებებიდან გამომდინარე.
დოკუმენტი მოიცავს, როგორც არსებული და დაგეგმილი, ისე დამატებით გასატარებელი ღონისძიებების სცენარებს, რომელიც ემსახურება სათბურის აირების ემისიის შემცირების მიზანს 2050 წლისთვის.
მიმდინარე ეტაპზე სამინისტრო მუშაობს ინიციატივებზე, რომლებიც სატრანსპორტო სექტორიდან გაფრქვევების შემცირებას ისახავს მიზნად. სწორედ ამ მიზნით ჩატარდა თემატური მოკვლევაც, რომლიც ფარგლებშიც დაინტერესებული მხარეების მიერ გაგზავნილი მოსაზრებების ზეპირი მოსმენა დღეს გაიმართა. მოსმენას ესწრებოდნენ, როგორც სამთავრობო, ისე არასამთავრობო სექტორის წარმოამდგენლები, რომლებმაც სატრანსპორტო განვითარების გამოწვევებსა და საჭიროებებზე ისაუბრეს.
მოკვლევის ფარგლებში, ჩვენმა მოძრაობამ ვრცელი მოსაზრება წერილობითი ფორმით გააგზავნა; შეხვედრაზე კი, რუსთაველებისთვის ერთ-ერთი ყველაზე მასშტაბური პრობლემა წამოვწიეთ წინ, რაც საქალაქთაშორისო (რუსთავი – თბილისი) ტრანსპორტის მოუწესრიგებლობას ეხება და, როგორც სატრანსპორტო, ისე ჰაერის დაბინძურების თვალსაზრისით ორივე ქალაქისთვის წარმოადგენს დატვირთვას. სხვათა შორის, საქალაქთაშორისო სატრანსპორტო პოლიტიკის შემუშვებასთან დაკავშირებულ გამოწვევებს სამთავრობო სექტორიდანაც გაუსვეს ხაზი. ჩვენი კი, იმედი გამოვთქვით, რომ დაბალემისიიანი განვითარების კონცეფციის ფარგლებში ამ საკითხს სათანადო ყურადღება დაეთმობა.
მეორე საკითხი, რაც ჰაერის დაბინძურებასთან დაკავშირებით წამოვწიეთ, არის ტექ-ინსპექტირების აღსრულებასთან დაკავშირებული გამოწვევები და ე.წ კატალიზატორების ჩამბარებელი პუნქტების სიმრავლე და ხელმისაწვდომობა. ისიც აღვნიშნეთ, რომ იმედი გვაქვს, აღსრულებასთან დაკავშირებული ეს გამოწვევა გადაიჭრება 1 ივნისს ძალაში შესული კანონის (რაც ტექინსპეტირების გაუვლელობაზე გამკაცრებულ სანქციებს და გზებზე გამონაბოლქვის კონტროლს გულისხმობს) სათანადოდ აღსრულებით.