ჰაერის დაბინძურება სიკვდილიანობის გამომწვევი მეორე უმთავრესი რისკ-ფაქტორია

ჰაერის დაბინძურება სიკვდილიანობის გამომწვევი მეორე უმთავრესი რისკ-ფაქტორია

ყოველდღიურად 5 წლამდე ასაკის 2000-მდე ბავშვი იღუპება ჰაერის დაბინძურების გამო – რაც ნიშნავს, რომ ჰაერის დაბინძურებამ გადაუსწრო ცუდ სანიტარულ პირობებსა და სუფთა წყლის შეზღუდულ რაოდენობას და იქცა ჯანმრთელობის  მეორე უდიდეს რისკ ფაქტორად მსოფლიოს ახალგაზრდებისათვის.

8 მილიონზე მეტი ბავშვისა და ზრდასრულის გარდაცვალება 2021 წელს გამოწვეული იყო ჰაერის დაბინძურებით. ჯანმრთელობის ზეგავლენის ინსტიტუტის (HEI) ახალ კვლევაზე დაყრდნობით, როგორც გარე, ისე შიდა დაბინძურება კვლავ მზარდ ზიანს აყენებს ჯანმრთელობას.

მსოფლიოს მასშტაბით, დაბინძურებული ჰაერი, ამ დროისათვის, სიკვდილის გამომწვევი მეორე უდიდესი მიზეზია მაღალი არტერიული წნევის შემდეგ და აჭარბებს თამბაქოს მოხმარებით გამოწვეულ სიკვდილიანობას. 5 წლამდე ასაკის ბავშვებს შორის ჰაერის დაბინძურება მეორე ადგილზეა არასრულფასოვანი კვების შემდეგ, როგორც სიკვდილიანობის რისკ-ფაქტორი.

წლევანდელი ჰაერის მდგომარეობის გლობალური ანგარიში, რომელიც  Unicef-თან პარტნიორობით მომზადდა, გამოქვეყნდა ივნისში და აჩვენებს, რომ ღარიბ ქვეყნებში მცხოვრები ბავშვები განიცდიან ყველაზე უარეს ზემოქმედებას და ჰაერის დაბინძურებით გამოწვეული, 5 წლამდე ასაკის ბავშვთა სიკვდილიანობის რიცხვი აფრიკის ქვეყნებში 100-ჯერ მაღალია მაღალშემოსავლიან ქვეყნებთან შედარებით.

წყარო იხილეთ ბმულზე: https://www.instagram.com/p/C9XEVX3Ih3U/