ჰაერის დაბინძურება და ბავშვთა ჯანმრთელობა

ჰაერის დაბინძურება და ბავშვთა ჯანმრთელობა

ბავშვები ჩვენი მომავალია. ადრეულ ასაკში ჰაერის დაბინძურების ზემოქმედება მეტად საშიშია ბავშვთა ჯანმრთელობისთვის. ეს პრობლემა კი მსოფლიოს ყველა კუთხეში დგას.

თუ სტატისტიკას გადავხედავთ, ვნახავთ, რომ 2021 წელს ჰაერის დაბინძურება ბავშვების სიკვდილიანობაში რიგით მეორე რისკ ფაქტორი იყო. 700,000-ზე მეტი 5 წლამდე ბავშვის სიკვდილის მიზეზი ჰაერის დაბინძურებასთან დაკავშირებული დაავადებები იყო, მათგან 500,000-ზე მეტი შენობის შიდა ჰაერის დაბინძურებასთან იყო კავშირში.

ზემოქმედება ახალშობილთა ჯანმრთელობაზე:
ჰაერის დაბინძურება მუცლად მყოფი ბავშვისთვისაც ქმნის საშიშროებას. ეს უკანასკნელი ზრდის ალბათობას, რომ ახალშობილი დაიბადება დაბალი წონით, დეფექტით ან ნაადრევად, რაც, ცხადია, ზრდის სასუნთქი გზების პრობლემებისა და ინფექციების შანსს.

2021 წლის მონაცემებით 572,000 ახალშობილის სიკვდილი იყო ჰაერის დაბინძურებასთან კავშირში, რაც სიკვდილიანობის 26%-ს შეადგენს.

ჰაერის დაბინძურება და ასთმა ბავშვებში:

ერთ-ერთი ყველაზე ცნობილი ქრონიკული დაავადება, რომელიც ჰაერის დაბინძურებას მოჰყვება, ასთმაა. ასთმის შეტევები შესაძლოა საშიში იყოს სიცოცხლისთვისაც. 2013 წლის 15 თებერვალს 9 წლის ელა კისი-დებრა გარდაიცვალა ასთმის შეტევით ლონდონში. ის პირველი ადამიანია მსოფლიოში, რომელსაც გარდაცვალების დოკუმენტში ჰაერის დაბინძურება ჩაეწერა მიზეზად.

სტატისტიკა მრავალ რეგიონში მზარდია სწორედ ჰაერის დაბინძურების მიზეზით. NO₂-ის ზემოქმედება ჯანმრთელობაზე სავალალოა. აქვე უნდა აღინიშნოს, რომ ქვეყნებში, სადაც NO₂-ის კლება ფიქსირდება, ნაკლებია ასთმის შემთხვევებიც.

ბავშვთა ჯანმრთელობა პრიორიტეტი უნდა იყოს. ყოველივე ზემოთხსენებულიდან გამომდინარე კი შეგვიძლია დავასკვნათ, რომ ჰაერის დაბინძურება ჯანმრთელი მომავლის ერთ-ერთი პირველი ხელისშემშლელი ფაქტორია.

ჰაერის დაბინძურებასთან ბრძოლა თითოეული ჩვენგანის ვალია, რომელიც ჩვენს მომავალს განსაზღვრავს.

წყარო: https://ceh.unicef.org/events-and-resources/knowledge-library/state-global-air-2024 გვ.21-24