„გავიგუდეთ“ იწყებს შემოწირულობების მიღებას რუსთავის სკოლების გასამწვანებლად

„გავიგუდეთ“ იწყებს შემოწირულობების მიღებას რუსთავის სკოლების გასამწვანებლად

სამოქალაქო მოძრაობა „გავიგუდეთ“ პროექტის „თანამშრომლობა მწვანე რუსთავისთვის“ ფარგლებში ამწვანებს ორ ტერიტორიას: ქალაქ რუსთავის მე-9 საჯარო სკოლას და კოლეჯ „მოდუსს“.

აღსანიშნავია, რომ პროექტში ირიგაციის სისტემის მოწყობასა და სხვა ძირითადი საკითხების ფინანსურ მხარდაჭერას ახდენს გლობალური გარემოსდაცვითი ფონდის მცირე გრანტების პროგრამა (GEF SGP), რომელიც საქართველოში გაეროს განვითარების პროგრამის (UNDP) ფარგლებში საქმიანობს. ასევე, საჩუქრად ველოდებით 500 ნერგს, რომელთაც ნოემბრის პირველ ნახევარში დავრგავთ. გამომდინარე იქიდან, რომ პროექტი ადგილობრივი მოსახლეობის თანამონაწილეობასაც ითვალისწინებს, „გავიგუდეთ“ იწყებს შემოწირულობების მიღებას.  ანგარიშზე ჩარიცხული თანხით შესაძლებელი იქნება ხეების დარგვისათვის საჭირო სხვა ინვენტარის შეძენა.

8-დან 22 ოქტომბრის ჩათვლით  რუსთაველებს მიეცემათ შესაძლებლობა, მონაწილეობა მიიღონ მე-9 საჯარო სკოლის გამწვანების ღონისძიებაში და დარიცხონ მათთვის სასურველი თანხა. იმედი გვაქვს, რომ სასკოლო საზოგადოება და სკოლის გარშემო მცხოვრები მოსახლეობა განსაკუთრებით აქტიურად ჩაერთვება ამ პროცესში და ჩვენ ერთად შევძლებთ 1000 ლარის შეგროვებას. შემდეგ ეტაპზე დავიწყებთ თანხის მეორე ნაწილის თავმოყრას, რომელიც იგივე მიზნით მოხმარდება კოლეჯ „მოდუსის“ გამწვანების ღონისძიებებს. შემოწირულობების მიღების დასრულებისთანავე ორგანიზაცია გამოაქვეყნებს ამონაწერს, რათა პროცედურა იყოს მაქსიმალურად გამჭვირვალე. შეძენილი ნივთების სიასაც გადახდის დამადასტურებელ დოკუმენტებთან ერთად აუცილებლად გაგიზიარებთ.

წარმოდგიდგენთ ჩვენს საბანკო რეკვიზიტებს. გვჯერა, ძალიან ბევრი მოქალაქე მიიღებს მონაწილეობას ამ მწვანე პროექტში და ერთად ბევრად მეტს შევძლებთ!

საქართველოს ბანკი: #GE20BG0000000499059630 (მიმღები: „გავიგუდეთ“)

თიბისი ბანკი: #GE90TB7754936080100014 (მიმღები: „ეკო ცენტრი“)