„გავიგუდეთ“-ის ორგანიზებით მწვანე აქტივისტებისა და ორგანიზაციების შეხვედრა გაიმართა

„გავიგუდეთ“-ის ორგანიზებით მწვანე აქტივისტებისა და ორგანიზაციების შეხვედრა გაიმართა

20 ოქტომბერს, ღია საზოგადოების ფონდის (OSGF) მხარდაჭერითა და სამოქალაქო მოძრაობის „გავიგუდეთ“ ორგანიზებით მწვანე ორგანიზაციების დისტანციური შეხვედრა გაიმართა.

შეხვედრას ესწრებოდნენ შემდეგი ორგანიზაციების/ჯგუფების წარმომადგენლები: „ღია საზოგადოების ფონდი“, ”ეკო ცენტრი“, „სოციალური სამართლიანობის ცენტრი“, „სამოქალაქო საზოგადოების ინსტიტუტი“, საზოგადოება „ბათომი“, “მწვანე ალტერნატივა”, დიდი დიღმის მე-2 მკ.რაიონის საინიციატივო ჯგუფი, „მწვანეები“, „დიღმის ჭალები“, ოზურგეთის დემოკრატიული ჩართულობის ცენტრი, „ფოთელები საკუთარი უფლებებისთვის“ და სამოქალაქო მოძრაობა „სამეგრელოს ხმა“.

შეხვედრა მიზნად ისახავდა საქართველოს სხვადასხვა რეგიონში არსებული მწვანე ორგანიზაციების/ჯგუფების გაცნობას, გამოცდილების გაზიარებას, შესაძლო ერთობლივ გეგმებზე მსჯელობასა და ერთმანეთის გაძლიერებას.

მოკლე პრეზენტაციების შემდეგ, შეხვერდა დისკუსიის რეჟიმში გაგრძელდა, დაისვა არაერთი შეკითხვა, გამოიკვეთა საკითხები, რომლის დახვეწაც აუცილებელია სამოქალაქო აქტივიზმიმს გასაძლიერებლად. გამომდინარე იქიდან, რომ შეხვედრის მონაწილე ორიგანიზაციები საკმაოდ დიდი აქტიურობით გამოირჩევიან თავიანთ თემში, ორსაათიანი შეხვედრა არ გახდა საკმარისი, ამიტომ გამოცდილების გაზიარების მიზნით, დამატებით შეიქმნა ფეისბუქ ჯგუფი და გადაწყდა, რომ შეხვედრები პერიოდულ ხასიათს მიიღებს.

შეხვედრა გაიმართა „ღია საზოგადოების ფონდის” მხარდაჭერილი პროექტის „კანონმდებლობა სუფთა ჰაერისთვის – აღსრულების მონიტორინგი“ ფარგლებში.