აშშ-ში ჰაერის დაბინძურებისა და კლიმატის ცვლილებისგან გამოწვეული ჯანმრთელობის პრობლემების მკურნალობის ხარჯები 800 მილიარდ დოლარს აჭარბებს

კლიმატისა და ჯანმრთელობის საკითხებზე სამედიცინო საზოგადოების კონსორციუმის, ბუნებრივი რესურსების დაცვის საბჭოს და ვისკონსინის ჯანდაცვის პროფესიონალების კლიმატის მოქმედების ახალ ანგარიშში ნათქვამია, რომ ჰაერის დაბინძურებისა და კლიმატის ცვლილებისგან გამოწვეული დაავადებების მკურნალობის ხარჯი უკვე წელიწადში 800 მილიარდ დოლარს აღემატება და ეს ციფრი, წლების განმავლობაში, კიდევ უფრო გაიზრდება თუ კრიზისის გადაჭრაში საზოგადოება მეტი ძალით არ ჩაერთვება.

ანგარიში ასახავს ჰაერის ცუდი ხარისხისა და კლიმატის ცვლილებასთან დაკავშირებულ სპეციფიკურ ხარჯებს. მაგალითად, წიაღისეული საწვავის წვა (განსაკუთრებით ნახშირი) ათავისუფლებს მყარ ნაწილაკებს (PM), რომელიც ჯანმრთელობისთვის თავისი საზიანო გავლენითაა ცნობილი, PM2.5 ყოველწლიურად საშუალოდ აშშ-ში 107,000 ნაადრევ სიკვდილს იწვევს, რომლის სამედიცინო ხარჯებმაც ჯამში $ 820 მილიარდი შეადგინა.

ტემპერატურის ზრდა, გვალვა, მწერების შემოსევები დაკავშირებულია კლიმატის ცვლილებებთან და ზრდის ბუნებაში შესაძლო ხანძრის სიხშირესა და ინტენსივობას. 1984 წლიდან 2015 წლამდე, ამერიკის შეერთებული შტატების დასავლეთში კლიმატის ცვლილებამ გააორმაგა ტყის ხანძრებისგან დამწვარი ტერიტორია. ხანძარმა შეიძლება ნაადრევი სიკვდილი და სხვა დაზიანებები გამოიწვიოს, საფრთხის ქვეშ დააყენოს ადამიანის რესპირატორული და გულსისხლძარღვთა სისტემის ჯანმრთელობა, რაც ხანძრის დროს ჰაერში ტოქსიკური აირების გამოყოფის შედეგია. ხანძრის კვამლის გამო, წლიურად 6200 ადამიანი ხვდება რესპირატორული პრობლემებით საავადმყოფოში. ასევე, ხანძრის კვამლი იწვევს 1700 ადამიანის ნაადრევ გარდაცვალებს, რაც თავის მხრივ, უკავშირდება კვამლის ჩასუნთქვის დროს PM2.5-ის ჩვენს ორგანიზმში მოხვედრას. აღნიშნული ფინანსური კუთხით, 16 მილიარდი დოლარი ჯდება.

ანგარიშში შემოთავაზებულია კონკრეტული ქმედებები, რაც მოქალაქეებს, სამედიცინო სფეროს წარმომადგენლებს და პოლიტიკოსებს შეუძლიათ გაითვალიწინონ, რათა ხელი შეუშალონ ჰაერის დაბინძურებასა და კლიმატის ცვლილებას.

მოქალაქეებს შეუძლიათ:

– შეცვალონ გადაადგილების მეთოდი: გამოიყენონ ველოსიპედი, საჯარო ტრანსპორტი, ან იარონ ფეხით;

– ყოველდღიურ ცხოვრებაში დანერგონ ჯანსაღი და მდგრადი განვითარებისთვის აუცილებელი ჩვევები. როგორიცაა მაგალითად ბანაობისას არასაჭირო დროს წყლის გამორთვა, ერთჯერადი გამოყენების ნივთების შემცირება.

სამედიცინო წარმომადგენლებს შეუძლიათ:

– ნახშირბადისგან ჯანდაცვის სექტორის გათავისუფლებისთვის ბრძოლა – აშშ-ის ჯანდაცვის სექტორის ემისიების დონე მსოფლიოში ყველაზე მაღალია;

– მხარი დაუჭირონ კლიმატის ცვლილებების შედეგებზე მორგებულ ჯანდაცვის სისტემებს-მათ შორის გადაუდებელი დახმარების შესაბამის მზაობასა და ადაპტაციას;

– ჩართონ კლიმატის ცვლილება საზოგადოებრივ ჯანდაცვის სისტემაში. მიაწოდონ პაციენტებს ამ მხრივ პოზიციტური რეკომენდაციები.

პოლიტიკოსებისთვის:

– გაატარონ ისეთი პოლიტიკა, რომელიც მხარს უჭერს სუფთა, დაბალ-ნახშირბადოვან ენერგიას, ტრანსპორტირებასა და კვების ინდუსტრიას-მათ შორის გააუმჯობესონ ხელმისაწვდომი, მაღალი ხარისხის და ეკო-მეგობრული საკვების ხელმისაწვდომობა. უფრო ინტენსიურად კონცენტრირდნენ ჯანდაცვის სისტემის მოქნილობაზე.

სტატიის პირველწყარო იხილეთ ბმულზე

საინფორმაციო მასალა მოამზადა სამოქალაქო მოძრაობამ “გავიგუდეთ” აღმოსავლეთ–დასავლეთის მართვის ინსტიტუტის (EWMI) ACCESS-ის პროექტის ფარგლებში. მასალის მომზადება შესაძლებელი გახდა ამერიკელი ხალხის მხარდაჭერის შედეგად ამერიკის შეერთებული შტატების საერთაშორისო განვითარების სააგენტოს (USAID) დაფინანსებით. მასალის შინაარსზე პასუხისმგებელია “გავიგუდეთ”. ის შესაძლოა არ გამოხატავდეს EWMI-ს, USAID-ის ან/და ამერიკის შეერთებული შტატების შეხედულებებს.