სამოქალაქო მოძრაობამ – „გავიგუდეთ“ ფილმის ჩვენება გამართა

სამოქალაქო მოძრაობამ – „გავიგუდეთ“ ფილმის ჩვენება გამართა

დღეს, 21 ოქტომბერს, სამოქალაქო მოძრაობის – „გავიგუდეთ“ ოფისში გარემოს დაცვასთან დაკავშირებული ფილმის ჩვენება გაიმართა.

ჩვენებას ესწრებოდნენ გარემოსდაცვითი საკითხებით დაინტერესებული მოსწავლეები და მასწავლებლები რუსთავის რამდენიმე სკოლიდან. სწორედ მათ შეარჩიეს მათთვის სასურველი ფილმი – „ერინ ბროკოვიჩი“ – ფილმი მოგვითხრობს მარტოხელა, წარუმატებელი ქალის შესახებ, რომლის ცხოვრებაც რადიკალურად იცვლება, მას შემდეგ, როდესაც აღმოაჩენს, რომ ერთ-ერთი მსხვილი კომპანიის უპასუხისმგებლო ოპერირების შედეგად წყალი კანცეროგენური ნივთიერებითაა დაბინძურებული. ესაა საინტერესო ისტორია გარემოსდაცვითი აქტივიზმისა და სამართლიანობისთვის ბრძოლის შესახებ.

ფილმის ჩვენების შემდეგ დისკუსია გაიმართა და მოსწავლეებთან ერთად ჩვენი საქმიანობისა და რუსთავში არსებული ჰაერის დაბინძურების პრობლემის შესახებაც ვისაუბრეთ.

ფილმის ჩვენება გაიმართა „დემოკრატიის ევროპული ფონდის“ მხარდაჭერით, პროექტის „ვიცავთ უფლებას სუფთა ჰაერზე რუსთავში“ ფარგლებში.