„გავიგუდეთ“ „ემენ ქემიკალ ჯორჯიას“ გზშ ანგარიშის განხილვას დაესწრო

„გავიგუდეთ“ „ემენ ქემიკალ ჯორჯიას“ გზშ ანგარიშის განხილვას დაესწრო

დღეს, 3 ივნისს, დავესწარით შპს „ემენ ქემიკალ ჯორჯიას“ (მანგანუმის სულფატის საწარმოს მოწყობისა და ექსპლუატაციის პროექტის)  გარემოზე ზემოქმედების შეფასების (გზშ) საჯარო განხილვას.

შეხვედრაზე არაერთი საკითხი განვიხილეთ, მათ შორის, იმავე კომპანიის საკუთრებაში არსებული საწარმოს მზაობა ახალი რეგულაციებისთვის.

განხილვის შემდგომ დავათვალიერეთ საპროექტო ტერიტორია და უკვე არსებული საწარმოც, რომელიც განაგრძნობს მუშაობას.

გამომდინარე იქიდან, რომ ფილტრაციის სისტემა ჩართულ მდგომარეობაში იყო, საწარმოში თვალისთვის ხილული საგანგაშო გაფრქვევა არ დაგვიფიქსირებია. კომპანიის ხელმძღვანელის თქმით, მათი ფილტრაციის სისტემა ავტომატურ რეჟიმზეა და მხოლოდ მაშინ ითიშება, როდესაც საწარმოო პროცესი არ მიმდინარეობს.

საწარმოს  წარმომადგენლებისგან შევიტყვეთ, რომ მოლაპარაკება მიმდინარეობს ჩინურ კომპანიებთან თვითმზომის შესყიდვასთან დაკავშირებით. მათი თქმით, ერთი თვის ვადაში შესყიდვის პროცედურები დასრულებული უნდა იყოს და შემდგომ უკვე ტრანსპორტირებისთვის იქნება დრო საჭირო. ამ დროისთვის თვითმზომის არ ქონის მიზეზად, საქართველოს ბაზარზე აღნიშნული მოწყობილობის არარსებობა დასახელდა. ივნისის მეორე ნახევარში აუცილებლად გადავამოწმებთ შეიძინეს თუ არა თვითმზომი.

აღსანიშნავია ისიც, რომ შპს „ემენ ქემიკალ ჯორჯია“-ს შვილობილი კომპანია, შპს „სულფეკო“ გეგმავს  მიმდებარე ტერიოტორიაზე გოგირდმჟავას საწარმოს მოწყობა-ექსპლუატაციას.  აღნიშნულზე ნებართვა სამინისტროს მიერ უკვე გაცემულია.

პროექტი „ვიცავთ უფლებას სუფთა ჰაერზე რუსთავში“ ხორციელდება „დემოკრატიის ევროპული ფონდის“ მხარდაჭერით.