“გავიგუდეთ” გირჩევთ ფილმს “დევიდ ატენბორო: ცხოვრება ჩვენს პლანეტაზე”
“გავიგუდეთ” გირჩევთ ფილმს “დევიდ ატენბორო: ცხოვრება ჩვენს პლანეტაზე”
აპრილში #გავიგუდეთ_გირჩევთ დოკუმენტურ ფილმს – „დევიდ ატენბორო: ცხოვრება ჩვენს პლანეტაზე“.
94 წლის დევიდ ატენბორო (ცნობილი ბრიტანელი ბუნებისმეტყველი და BBC-ის ტელეწამყვანი, რომელსაც დედამიწის ყველა კონტინენტზე უმოგზაურია) მოგვითხრობს მისი ბავშვობიდან დღემდე როგორ რადიკალურად შეიცვალა ჩვენს პლანეტაზე სიტუაცია.
ეს არ არის ფილმი მხოლოდ პრობლემებზე. ეს არის ფილმი, რომელიც გვესაუბრება გამოსავალზეც და ცდილობს დაგვანახოს, რა უნდა გავაკეთოთ, რომ შევინარჩუნოთ ბიომრავალფეროვნება, რომელიც ისევ ჩვენთვის არის სასიცოცხლოდ აუცილებელი.
ფილმის შინაარსზე ბევრს არ ვისაუბრებთ, მხოლოდ რამდენიმე მონაცემს გაგიზიარებთ:
1937 წელს, როდესაც დევიდი 11 წლის ბიჭუნა იყო:
მსოფლიო მოსახლეობა – 2,3 მლრდ
ნახშირბადი ატმოსფეროში – 280 (წილი მილიონში)
დარჩენილი ველური ბუნება – 66%
1954 წელს:
მსოფლიო მოსახლეობა – 2,7 მლრდ
ნახშირბადი ატმოსფეროში – 310 (წილი მილიონში)
დარჩენილი ველური ბუნება – 64%
1997 წელს:
მსოფლიო მოსახლეობა – 5,9 მლრდ
ნახშირბადი ატმოსფეროში – 360 (წილი მილიონში)
დარჩენილი ველური ბუნება – 46%
2020 წელს:
მსოფლიო მოსახლეობა – 7,8 მლრდ
ნახშირბადი ატმოსფეროში – 415 (წილი მილიონში)
დარჩენილი ველური ბუნება – 35%
საგანგაშოა, არა?! ერთი ადამიანის სიცოცხლის განმავლობაში დარჩენილი ველური ბუნების წილი 66%-დან 35%-მდე შემცირდა…
მასალა მოამზადა სამოქალაქო მოძრაობამ “გავიგუდეთ” აღმოსავლეთ–დასავლეთის მართვის ინსტიტუტის (EWMI) ACCESS-ის პროექტის ფარგლებში. მასალის დამზადება შესაძლებელი გახდა ამერიკელი ხალხის მხარდაჭერის შედეგად ამერიკის შეერთებული შტატების საერთაშორისო განვითარების სააგენტოს (USAID) დაფინანსებით.
მასალის შინაარსზე პასუხისმგებელია “გავიგუდეთ”. ის შესაძლოა არ გამოხატავდეს EWMI-ს, USAID-ის ან/და ამერიკის შეერთებული შტატების შეხედულებებს.