სს “რუსთავოილი” – ძირითადი მონაცემები

სს “რუსთავოილი” – ძირითადი მონაცემები

100 მ3-ზე მეტი მოცულობის ნავთობისა და ნავთობპროდუქტების, თხევადი აირის მიწისზედა საცავის მოწყობა და ექსპლუატაცია, ნარჩენების აღდგენა – სკოპინგის ანგარიში

ქ. რუსთავში, არასასოფლო-სამეურნეო დანიშნულების მიწის ნაკვეთზე საკადასტრო კოდით 02.07.02.897 ესპლუატაციაში იმყოფება სს „რუსთავოილის“ მაზუთის გადამამუშავებელი საწარმო 19 560 მ3  მოცულობის სარეზერვუარო პარკით ნედლეულის და პროდუქციისათვის, რომლის  მოწყობასა და ექსპლუატაციაზე ბრძანება N 2-949(26/11/2018)-ით  გაცემულია გარემოსდაცვითი გადაწყვეტილება. (საწარმო ფუნქციონირებს 2017 წლიდან).

კომპანიას დაგეგმილი აქვს მაზუთის გადამუშავების ხაზზე  დამატებითი რეზერვუარების და სხვა ტექნოლოგიური დანადგარების ექსპლუატაციაში მიღება, ამას გარდა, კომპანია გეგმავს ორი ახალი ტექნოლოგიური  ხაზის ექსპლუატაციაში შეყვანას, კერძოდ:

1)ნათელი ნავთობპროდუქტების საცავის, საერთო მოცულობით 10 000 მ3 კერძოდ, 4 ლითონის ცილინდრული ვერტიკალური რეზერვუარი ბენზინისათვის, თითოეული მოცულობით 1000 მ3 და 3 ლითონის ცილინდრული ვერტიკალური რეზერვუარი დიზელისათვის თითოეული მოცულობით 2000 მ3, საერთო მოცულობით 10 000 მ3.

2) თხევადი გაზის საცავის, საერთო მოცულობით – 46 000 მ3. კომპანიის მიერ ტექნოლოგიური პროცესების წარმოებაში საწვავად გამოყენებულია ბუნებრივი აირი. დაგეგმილი ცვლილებები ასევე ითვალისწინებს საწვავად მაზუთის და ნამუშევარი ზეთის გამოყენებას. 

 

საქმიანობის სახე: მაზუთის გადამუშავება

დაგეგმილი საქმიანობის სახე: 100 მ3-ზე მეტი მოცულობის ნავთობპროდუქტების, თხევადი აირის მიწისზედა საცავის მოწყობა და ექსპლუატაცია, ნარჩენების აღდგენა.

იურიდიული მოსამართი: თბილისი, ტ. შევჩენკოს ქ. N1, სადარბაზო N1, სართული 1, ოფისი N4ა

ფაქტიური მისამართი: ქ. რუსთავი

საიდენტიფიკაციო კოდი: 404508207

საკადასტრო კოდი: 02.07.02.897

საკონტაქტო პირი: ბაჩანა გუგუშვილი

საკონტაქტო ტელეფონი: 555 206006

ელექტრონული ფოსტა: eurogas.ge@gmail.com ; makich62@mail.ru

ადგილმდებარეობა რუკაზე: https://maps.app.goo.gl/6bXZgni5wa5AWxuBA

 

 

მანძილი საცხოვრებელ ზონამდე: 190 მ (არის სახელმწიფო საკუთრებაში)

მანძილი ზედაპირული წყლის ობიექტამდე: მდ. მტკვარი – 3 კმ; მარის არხი – 650 მ

 

 

გამოყენებული ნედლეული: გადასამუშავებელი მაზუთის წლიური რაოდენობა ტოლი იქნება 960000 ტონის, ხოლო გუდრონის რაოდენობა – 480000 ტონის.

 

მიღებული პროდუქტები: მაზუთის სარექტიფიკაციო კოლონიდან მაზუთიდან გუდრონის მიღების პროცესში ადგილი აქვს გუდრონთან ერთად გვერდითი პროდუქტების გამოყოფას. სულ წარმოიქმნება შემდეგი პროდუქტები:

• მსუბუქი- ვაკუუმური   გაზოილის   ფრაქცია   –   2,0%, =19200 ტ ;   ,    
• საბაზისო ზეთი –22,0%, =211200ტ;
• ნათელი ზეთი – 16% =153600ტ; 
• საშუალო-ვაკუუმური გაზოილის (ზეთი) – 9,5%. =91200ტ;
• მაზუთი – 5% = 48000ტ; 
• გუდრონი – 45% = 432000 ტ.
• ბიტუმი – 432000 + 480000 = 912000 ტ.

 

გამოყენებული საწვავი: დაგეგმილი ტექნოლოგიის მიხედვით ძირითად საწვავად გამოყენებული იქნება ნამუშევარი ზეთი, ხოლო ალტერნატიულ საწვავად – მაზუთი ან ბუნებრივი აირი. ნამუშევარი ზეთის დეფიციტის შემთხვევაში გამოყენებული იქნება მაზუთი, ხოლო ორივე საწვავის დეფიციტის შემთხვევაში – ბუნებრივი აირი.

საწვავის წვას ადგილი აქვს საწარმოს ხუთ ორთქლის წარმოების ღუმელში.

 

სამუშაო გრაფიკი: 365 დღე 24 საათიანი რეჟიმი; დასაქმებული 115 ადამიანი მუშაობს ცვლებში – თითო ცვლაში – 25-50 ადამიანი.

აღნიშნულის გათვალისწინებით თითოეული სახის საწვავის  წლიური რაოდენობა ტოლია:  ნამუშევარი ზეთი  – 20000 მ3/წელი; მაზუთი – 18250ტ/წელი; ბუნებრივი აირი – 21900000მ3/წელი.

ნამუშევარი ზეთის შესყიდვა მოხდება შპს ,,თეგეტა მოტორსისაგან“ ხელშეკრულების საფუძველზე(ხელშეკრულება წარმოდგენილი იქნება), მაზუთის შესყიდვა განხორციელდედბა ადგილობრივ სამომხმარებლო ბაზარზე, ბუნებრივი აირის მიღება მოხდება ადგილობრივი გაზმომარაგების ქსელიდან.   

 

მოსაზღვრე საწარმოები: სამხრეთ-დასავლეთით 220 მეტრში მდებარეობს შპს ,,ჰაიდელბერგცემენტ ჯორჯია“-ს (02.07.02.599; 02.07.02.035) კუთვნილი ტერიტორიები; ჩრდილო-დასავლეთით ესაზღვრება შპს ,,რუსთავის ფოლადი“(ს.კ. 02.07.04.816; 02.07.02.520; 02.07.04.014); აღმოსავლეთით ფუნქციონირებს სს ,,ენერგო პრო ჯორჯია“; ტერიტორიის ჩრდილო-აღმოსავლეთით, საკადასტრო საზღვრიდან 390 მეტრის დაშორებით მდებარეობს სს ,,რუსთავის აზოტი“(02.07.01.827; 02.07.01.826).

დაგეგმილი ცვლილებები:

დაგეგმილია დამატებითი რეზერვუარების ექსპლუატაციაში მიღება, კერძოდ: ექსპლუატაციაში შევა  2000 მ3 მოცულობის რეზერვუარი, რომელიც ამჟამად არ ფუნქციონირებს და გამოყენებული იქნება  ბიტუმის შენახვისათვის, ასევე ექსპლუატაციაში შევა ბიტუმის 4 რეზერვუარი, თითოეული  მოცულობით 3000 მ3. ტექნოლოგიური ციკლის შემდგომ მიღებული პროდუქტების (მსუბუქი და  საშუალო ვაკუუმური გაზოილი, საბაზისო ზეთი, მაზუთი, გუდრონი) შენახვისათვის ექსპლუატაციაში  შევა 5 რეზერვუარი, თითოეული მოცულობით 1000 მ3, ხოლო საწვავად გამოყენებული ნამუშევარი  ზეთის და მაზუთისათვის ექსპლუატაციაში იქნება მიღებული 1 რეზერვუარი, მოცულობით 1000 მ3.  მაზუთის გადამუშავების ხაზზე არსებული და საპროექტო რეზერვუარების  საერთო მოცულობა   გაუტოლდება 39560მ3-ს. 

მაზუთის გადამუშავების ხაზის სარეზერვუარო პარკის ტერიტორიაზე, მაზუთის ხაზის არსებული და დაგეგმილი რეზერვუარების მიმდებარედ, დაგეგმილია ნათელი ნავთობპროდუქტების საცავის მოწყობა, სადაც ბენზინისათვის ექსპლუატაციაში შევა 4 რეზერვუარი, თითოეული მოცულობით 1000 მ3, ხოლო დიზელისათვის ექსპლუატაციაში იქნება მიღებული 3 რეზერვუარი, თითოეული მოცულობით 2000 მ3. ნათელი ნავთობპროდუქტების საცავის საერთო მოცულობა ტოლი იქნება 10000 მ3-ის.

 

მაზუთის გადამუშავების ხაზზე დაგეგმილია ორთქლის დამატებითი საქვაბის ექსპლუატაციაში  მიღება, ასევე  მაზუთის გადამუშავების ხაზის სარკინიგზო ესტაკადაზე მოეწყობა ინფრასტრუქტურა დამატებით 8 ვაგონ-ცისტერნის განთავსებისათვის. ნათელი ნავთობპროდუქტების და მაზუთის რეზერვუარების ტექნოლოგიური მოედნის ირგვლივ, მთელს პერიმეტრზე მოეწყობა რკინა-ბეტონის ტენგაუმტარი მასალისაგან შექმნილი შემოზვინვა, ორმაგი ჰიდროსაიზოლაციო ფენით.  

 

ტექნოლოგიური ციკლი: ტექნოლოგიური ციკლის მიზანს წარმოადგენს ბიტუმის მიღება მაზუთიდან და გუდრონიდან. მაზუთის და გუდრონის შემოტანა ტერიტორიაზე მოხდება სარკინიგზო ვაგონებით. ერთჯერადად საწარმოში შესაძლებელია განთავსდეს 40 ვაგონცისტერნა  –  ამჟამად არსებულ 32 ვაგონცისტერნის ესტაკადას დაემატება 8 ვაგონცისტერნის ესტაკადა ბიტუმის საწარმოსათვის. ვაგონებში ნედლეულის(მაზუთის და გუდრონის) დენად მდგომარეობაში არსებობისათვის ვაგონების ორთქლის პერანგებს  ორთქლი მიეწოდება  საქვაბიდან, რა დროსაც მაზუთი გაცხელდება  ტემპერატურამდე 1000C. დენად მდგომარეობაში მიღებული მაზუთის ჩატვირთვა განხორციელდება 3000 მ³-იან საცავებში. საცავებიდან 120 მ³/სთ-იანი ტუმბოთი მიეწოდება მაზუთის გამაცხელებელ ღუმელს, სადაც მაზუთის გაცხელება მოხდება  390-4000C ტემპერატურამდე, რის შემდგომ გაცხელებული მაზუთი ჩაიტვირთება  ერთ სარექტიფიკაციო კოლონაში, რომელშიც წყლით გაცივების ხარჯზე ადგილი აქვს მაზუთის ორთქლის კონდენსირებას – თხევად მდგომარეობაში გადასვლას, რა დროსაც სხვადასხვა ტემპერატურის პირობებში მაზუთის ორთქლიდან გამოიყოფა სხვადასხვა ნავთობპროდუქტები კოლონის შესაბამისი თეფშებიდან. ასეთი ნავთობპროდუქტებია საბაზისო ზეთი, ნათელი ზეთი, საშუალო ვაკუუმური გაზოილი, გუდრონი, მსუბუქი ვაკუუმური გაზოილი. მიღებული გუდრონი ჩაიტვირთება მონაცვლეობით მომუშავე მაზუთის 3 დამჟანგავ კოლონაში, სადაც გუდრონის ჟანგბადით დაჟანგვის შედეგად მიიღება ბიტუმი. გუდრონის დაჟანგვის პროცესის მიმდინარეობისას ადგილი აქვს ე.წ. ჟანგვითი აირების გამოყოფას, რომლებიც წყლით გაცივების შედეგად კონდენსირდება და წარმოიქმნება საღუმელე საწვავის (მაზუთის) ფრაქცია, რომელიც გადაიტვირთება მაზუთის გადამუშავების დანადგარის ტექნოლოგიური მოედნის ერთ-ერთ შუალედურ რეზერვუარში, ხოლო ჟანგვითი აირების  ის ნაწილი, რომელთა მაზუთად გადასვლა ვერ მოხდა,  ნახშირწყალბადების სახით ტრანსპორტირდება  ნარჩენი აირების წვის ღუმელში. სატრანსპორტო მილსადენები და შუალედური საცავები წარმოადგენს დახურულ სისტემას, სადაც ნავთობპროდუქტების ტრანსპორტირებისას და დროებით შენახვისას ადგილი აქვს ნახშირწყალბადების გამოყოფას, რომელიც შეუერთდება ჟანგვით აირებს და ნარჩენი აირების წვის ღუმელში მოხდება მათი ერთობლივი დაწვა, საიდანაც მიღებული ნამწვი აირები გაიფრქვევა ატმოსფეროში.  შუალედური საცავების რაოდენობა შეადგენს 6 -ს, თითოეული მოცულობით 30მ3. სამი მათგანი განთავსებულია მაზუთის გადამუშავების დანადგარის ტექნოლოგიურ მოედანზე. აღნიშნულ რეზერვუარები განკუთვნილია მაზუთის გადამუშავების პროცესში სხვადასხვა ეტაპზე მიღებული ნებისმიერი ნავთობპროდუქტის დროებით შენახვისათვის, საიდანაც ხდება ნავთობპროდუქტის შემდგომი ტრანსპორტირება ნავთობპროდუქტების სარეზერვუარო პარკში მისთვის განკუთვნილ რეზერვუარში ან ზეთების ჩამოსასხმელ საავტომობილო ესტაკადაზე გაცემის კვანძში, ხოლო ტექნოლოგიურ მოედანზე  შუალედური საცავებისათვის არსებულ 3 რეზერვუარში ადგილი ექნება მხოლოდ ბიტუმის ჩატვირთვას მოედანზე არსებული  80მ3 მოცულობის შუალედურ საცავის გავლით, საიდანაც მოხდება მისი ტრანსპორტირება 4 რეზერვუარში, თითოეული მოცულობით 1000მ3. აღნიშნული რეზერვუარებიდან  შესაძლებელია ბიტუმის ჩატვირთვა ნავთობპროდუქტების სარეზერვუარო პარკში არსებულ ბიტუმის რეზერვუარებში, ასევე საჭიროების შემთხვევაში შესაძლებელია მისი ტრანსპორტირება ნავთობპროდუქტების გაცემის კვანძში.

მიღებული ბიტუმის ტემპერატურა შედგენს 2400C -ს. ტექნოლოგიური ციკლის მიმდინარეობისას ტემპერატურული რეჟიმის რეგულირება ხდება შესაბამისი თბომცვლელების საშუალებით. 

ჰაერი დამჟანგავ კოლონას მიეწოდება კომპრესორით  წნევით 2-3 კგ/სმ2. გაგრილებისათვის საჭირო წყლის მიწოდება მოხდება ჭაბურღილიდან(გენ-გეგმა №35), რომელიც გაივლის წყალსაშხეფ მაცივარს.

ნედლეული გუდრონის მიღება მხოლოდ რკინიგზით, რომელიც ჩაიტვირთება გუდრონის მიმღებ ავზში, საიდანაც გამაცხელებელი დანადგარის გვერდის ავლით, პირდაპირ ჩაიტვირთება დამჟანგავ კოლონაში. 

მიღებული ნედლეულის და საბოლოო პროდუქტების გადატვირთვა განხორციელდება მათთვის განკუთვნილ შესაბამის რეზერვუარებში.

 

რეკუპერაციის დანადგარი: ნავთობპროდუქტების მიღების, გაცემის და შენახვისას დანაკარგების და ატმოსფეროში გაფრქვევების შემცირების მიზნით საწარმოს მიერ დაგეგმილია ნავთობპროდუქტების რეკუპერაციის – ორთქლის დაჭერის და აღდგენის სისტემის დანადგარის ექსპლუატაციაში შეყვანა. საწარმომ შეიძინა რუსეთის ფედერაციაში შპს ,,გაზსპეცტექნიკა“-ს მიერ წარმოებული მე-3 თაობის კომბინირებულ ტექნოლოგიაზე (ვერსია “K”) დაფუძნებული დანადგარი (KKР), რომელშიც აღდგენის პროცესი უზრუნველყოფილია სამი ფიზიკური პროცესის გამოყენებით შემდეგი კომბინაციით:

–        დაბალი ტემპერატურის კონდენსაცია;

–        პირველადი (მიღებული) კონდენსატით აბსორბცია;

–        ადსორბცია გაწმენდის ბოლო ეტაპზე.

 

კონდენსაციის მიმდინარეობის მუშა ტემპერატურა შეადგენს მინუს 30⁰С -მდე. ჰიდრატების მოცილება თბოგაცვლის ზედაპირიდან ხორციელდება მოქმედი აპარატიდან მიღებული სითბოს არინებით (მაცივრის განყოფილებაში ცხელი აირის გაყინვა). დანადგარის ორთქლის დაჭერის მაჩვენებელი 98-99% ის ფარგლებშია.

რეკუპერაციის დანადგარში ადსორბციული მოქმედების ფილტრს წარმოადგენს აქტივირებული ნახშირი, რომელიც მოთავსებულია რკინის კაფსულაში, წონა შეადგენს 500-700 კგ-ს. მწარმოებელი კომპანიის ინფორმაციით ადსორბციული ფილტრის შეცვლა წარმოებს საშუალოდ ყოველ 5 წელიწადში ერთხელ. წარმოქმნილი ნარჩენი გადაეცემა ამ საქმიანობის ნებართვის მქონე ორგანიზაციას.

საწარმოს გააჩნია ნახშირწყალბადების ორთქლის წარმოშობის 3 უბანი, რომლებშიც ადგილი ექნება რეკუპერაციის დანადგარის გამოყენებას: 1. ფოლადის ვერტიკალური რეზერვუარები; 2. სარკინიგზო ესტაკადა; 3. ავტო ესტაკადა.

 

გაფრქვევები ატმოსფერულ ჰაერში:

საწარმოს ფუნქციონირების პროცესში ადგილი აქვს საწარმოს უბნებზე მავნე ნივთიერებათა წარმოქმნას და გაფრქვევას ატმოსფეროში. გაფრქვევის წყაროებს წარმოადგენენ: ბენზინის უბანი – რეკუპერაციის დანადგარი (ბენზინის მიღება/გაცემის ოპერაციების წარმოებისას); დიზელის უბანი – რეზერვუარები, დიზელის ავტოცისტერნებზე გაცემის უბანი, დიზელის ვაგონცისტერნებზე გაცემის უბანი. მაზუთის, ზეთების და ბიტუმის უბანი – ნავთობპროდუქტების მიღება/შენახვა/გაცემის უბნები, საქვაბე დანადგარები, ბიტუმის და ზეთების გასაცემი სვეტები. თხევადი გაზის უბანი – ვაგონცისტერნებიდან თხევადი აირის გასაცემი ადგილი, გათხევადებული აირის საცავიდან ავტოცისტერნებში ჩატვირთვის ადგილები.

გაფრქვეული მავნე ნივთიერებების სახეობები და მახასიათებელი სიდიდეები:

 

**საწარმოსა და დაგეგმილი საქმიანობის შესახებ უფრო დეტალური ინფორმაციისთვის შეგიძლიათ, გაეცნოთ სკოპინგის ანგარიშს, რომელსაც იხილავთ ამ ბმულზე. სააგენტომ დაახარვეზა სკოპინგი (20.03.24)

**საწარმომ წარადგინა სკოპინგის განახლებული ანგარიში, რომლის საჯარო განხილვა გაიმართა 2024 წლის 7 ივნისს. საჯარო განხილვისა და დაგეგმილი საქმიანობის შესახებ დეტალებს, განახლებული სკოპინგის ანგარიშის მიხედვით, იხილავთ ჩვენს საინფორმაციო მასალაში ამ ბმულზე.