შპს “მეგა ცემენტი” – ძირითადი მონაცემები
შპს “მეგა ცემენტი” – ძირითადი მონაცემები
კომპანიის იურიდიული მისამართი: ქ. რუსთავი, მშენებელთა ქუჩა N175ა
საქმიანობის განხორციელების ადგილმდებარეობა: ქ. რუსთავი/მშენებელთა ქუჩა N175ა
საქმიანობის სახე: ცემენტის წარმოება
ობიექტის ხელმძღვანელი: დავით ჯიქია, დირექტორი;
გარემოსდაცვითი მმართველი: ირაკლი კუჭავა (ტელ: 551 260 007)
ტეროტორიის ფართობი: 11 018 კვ.მ.
საწარმოს საკადასტრო კოდი: 02.07.02.523
საიდენტიფიკაციო კოდი: 404582153
GPS კოორდინატები: სკოპინგის ანგარიშში მითითებულია ცალკეული საამქროების მიხედვით.
ადგილმდებარეობა რუკაზე: https://maps.app.goo.gl/ukUZc6JhYcxFHAAu6
მანძილი უახლოეს დასახლებულ პუნქტამდე: 180 მ
მანძილი გაფრქვევის მილიდან უახლოეს დასახლებულ ობიექტამდე: 180 მ
მანძილი უახლოეს წყლის ობიექტამდე: 44 მ
გამოშვებული პროდუქციის სახეობა: ცემენტი
ცემენტის მარკა: 300; 400
მოხმარებული ნედლეულის სახეობები: კლინკერი, თაბაშირი, ღორღი (მინერალური დანამატის სახით).
მიმდინარე საქმიანობა: როგორც სკოპინგის განხილვაზე აღინიშნა, საწარმოს ტერიტორიაზე მოწყობილია ყველა ის ინფრასტრუქტურა, რომელიც გათვალისიწინებული იყო საქართველოს გარემოს დაცვისა და სოფლის მეურნეობის მინისტრის 2021 წლის 11 ივნისის N2-853 ბრძანებით გაცემული გარემოსდაცვითი გადაწყვეტილებით. გარდა ამისა, საწარმოს ტერიტორიაზე მოხდა 3 ცალი სილოსის დამატება, თითოეული წარმადობით 65 ტონა,რომელიც ამ ეტაპზე ექსპლუატაციაში არ არის გაშვებული. სხვა ტექნიკური და ტექნოლოგიური ცვლილებები საწარმოს ტერიტორიაზე არ განხორციელებულა.
ამ ეტაპზე, საწარმოს წარმადობა გაზრდილი არ არის და მუშაობს არსებული გარემოსდაცვითი გადაწყვეტილების საფუძველზე.
დეგეგმილი საქმიანობა: ამასთან, როგორც უკვე აღინიშნა, კომპანია გეგმავს საწარმოს წარმადობის ზრდას წელიწადში 46 800 ტონიდან 204 000 ტონამდე.
გაზრდილი წარმადობის პირობებში, საწარმო ნაცვლად 260 დღისა იმუშავებს 340 დღე წელიწადში. შესაბამისად, საწარმოში არსებული წისქვილი 15 ტ/სთ-ის ნაცვლად, იმუშავებს 25 ტ/სთ დატვირთვით.
აქვე, აღსანიშნავია ის გარემოება, რომ საწარმოში წისქვილის შეცვლა არ იგეგმება და გამოყენებული იქნება არსებული წისქვილი, რომელიც კომპანიის მიერ გაიტესტა ერთჯერადად და დადგინდა, რომ შეუძლია გაზრდილი მოთხოვნების დაკმაყოფილება. საწარმოს მიერ წარმადობის გაზრდა განპირობებულია ქვეყანაში არსებულ გაზრდილ მოთხოვნაზე ცემენტისა და სამშენებლო მასალების მიმართ.
მანძილი ზედაპირული წყლის ობიექტამდე: საწარმოო ობიექტის გავლენის ზონაში, ყველაზე სენსიტიურ ზედაპირული წყლის ობიექტს წარმოადგენს მარინის არხი (სამელიორაციო არხი), რომელიც საწარმოს მიმდებარედ გაედინება, გაფრქვევის წყაროდან დაშორებულია 44 მეტრით და უშუალოდ ესაზღვრება საწარმოს. რაც შეეხება მდ.მტკვარს, საპროექტო ტერიტორიიდან დაშორებულია 1.7კმ მანძილით.
მოსაზღვრე საწარმოები: საპროექტო ტერიტორიის საკადასტრო საზღვრიდან დაახლოებით 15 მეტრში მდებარეობს შპს ,,სოლო“-ს მიწის ნაკვეთის (ს/კ 02.07.03.006) საკადასტრო საზღვარი, სადაც ასევე მიმდინარეობს ცემენტის წარმოება. საწარმოს ტერიტორიიდან დაახლოებით 40 მეტრში მდებარეობს სს “რუსთავის მეტალურგიული კომბინატი” -ს არასასოფლო-სამეურნეო დანიშნულების მქონე მიწის ნაკვეთი (ს/კ 02.07.02.010), მასზე განთავსებული შენობა-ნაგებობებით.
საპროექტო ტერიტორიის საკადასტრო საზღვრიდან დაახლოებით 20 მეტრში მდებარეობს შპს ,,რუსელოისის“ არასასოფლო-სამეურნეო დანიშნულების მქონე მიწის ნაკვეთები საკადასტრო კოდით: 02.07.02.482 და 02.07.02.463, სადაც განთავსებულია მეტალურიგიული საწარმო შესაბამისი ინფრასტრუქტურით. ასევე, მართალია, სკოპინგის ანგარიშში არ არის მითითებული, მაგრამ საწარმოს საკადასტრო საზღვრიდან 52 მეტრში მდებარობს შპს „ჰაიდელბერგცემენტ ჯორჯიას“ კუთვნილი ცემენტის საწარმო.
სამუშაო დღეებისა და საათების რაოდენობა (მიმდინარე): საწარმო მუშაობს წელიწადში 260 დღე, დღეში 12 საათიანი სამუშაო რეჟიმით.
სამუშაო დღეებისა და საათების რაოდენობა (საპროექტო): გაზრდილი წარმადობის პირობებში, საწარმო ნაცვლად 260 დღისა იმუშავებს 340 დღე წელიწადში. ამასთან, გაიზრდება საწარმოს მუშაობის რეჟიმი და ნაცვლად დღეში 12 საათისა, საწარმო იმუშავებს 24 საათიანი რეჟიმით, შესაბამისი ცვლებით.
ზემოქმედება ატმოსფერულ ჰაერზე: აღსანიშნავია, რომ არსებულ ოთხ სილოსს გააჩნია საერთო ჰაერ გამშვები მილი, რომელზეც დაყენებულია ერთი შემკრები მილი შესაბამისი ფილტრით. ხოლო, 3 ახალ სილოსს ინდივიდუალურად დაუყენდება ფილტრები ექსპლუატაციაში გაშვებამდე. სილოსებზე არსებული და სამომავლოდ დასამონტაჟებელი ფილტრების მტვერდაჭერის ეფექტურობაა 99.9%. როგორც საწარმოს ხელმძღვანელმა განაცხადა, წისქვილზე ამჟამად არის დამონტაჟებული ფილტრები და თვითმონიტორინგის სისტემა, თუმცა, მისი ჩართვის ნებართვა გარემოსდაცვითი გადაწყვეტილების გარეშე არ აქვს.
მათივე განცხადებით, ინფორმაცია იმასთან დაკავშირებით, ექნება თუ არა ატმოსფერულ ჰაერში ემისიების ზრდას ადგილი, წარმოდგენილი იქნება გზშ ანგარიშთან ერთად.
იხილეთ საწარმოს ფოტოები:
მასალაში ინფორმაცია მოცემულია 2024 წლის 29 ივლისს საჯარო განხილვაზე წარმოდგენლი სკოპინგის ანგარიშზე დაყრდნობით.