შპს “ჯეო ენტერპრაიზი” – ძირითადი მონაცემები

შპს “ჯეო ენტერპრაიზი” – ძირითადი მონაცემები

• მეტალურგიული საწარმოს ექსპლუატაცია (გზშ ანგარიში)

 

საქმიანობის სახე: მეტალურგიული წარმოება (რკინის ჯართის (ფოლადი და თუჯი) გამოდნობა და სხვადასხვა სხმულების დამზადება)

შპს „ჯეოენტერპრაიზს“ რუსთავში, მშვიდობის ქ. N12-ში, საკუთრებაში არსებულ მიწის ნაკვეთზე და შენობა-ნაგებობებში მოწყობილი აქვს მეტალურგიული საწარმო და გეგმავს ფოლადისა და თუჯის სხმულების დამზადებას. მეტალურგიულ საამქროში დამონტაჟებულია ორო იდენტური ინდუქციური ღუმელი (თითოეულის ტევადობა – 2 ტონა). ღუმელები იმუშავებენ მონაცვლეობით. სხმულების ყალიბების დამზადების მიზნით, საამქროში მოეწყობილია საყალიბე უბანი.

(საპროექტო ტერიტორიაზე გასულ საუკუნეში განთავსებული იყო რუსთავის ქიმბოჭკოს მექანიკური საამქრო, შემმორჩენილი იყო კაპიტალური შენობა, რომელშიც მოხდა საწარმოს განთავსება). 

 

ფაქტობრივი მისამართი: რუსთავი, მშვიდობის ქ. N12

იურიდიული მისამართი: ქ. თბილისი, მარიჯანის ქ N4, ბინა N 2

საკადასდტრო კოდი: 02.07.01.299

საიდენტიფიკაციო კოდი: 404901077

ტერიტორიის ფართობი: 5052 მ2

დირექტორი: ზურაბ მაღრაძე

გარემოს დაცვის საკითხებზე პასუხისმგებელი პირი: ზურაბ გონგაძე 

საკონტაქტო ტელ: 577 74 54 44 

ადგილმდებარეობა რუკაზე – https://maps.app.goo.gl/xyWZMfLoo9Q6yEV19 

 

მანძილი ობიექტიდან უახლოეს დასახლებულ პუნქტამდე: 1 600მ 

მანძილი ზედაპირული წყლის ობიექტებამდე: საპროექტო ტერიტორიიდან 2 კმ-იან რადიუსში წყლის ობიექტი არაა განთავსებული. 2,5 კმ-ზე მეტი მანძილით დაშორებულია მარის არხი.

მოხმარებული ნედლეულის სახეობები და რაოდენობები – საწარმოს ძირითად ნედლეულს წარმოადგენს რკინის ჯართი, რომელიც მიიღება ჯართის შემგროვებელი პუნქტებიდან, წინასწარ გადარჩეული და დახარისხებული სახით. ჯართის შემოტანა მოხდება სათანადო მომწოდებლებისაგან, ხელშეკრულების საფუძველზე. შესაძლებელია საწარმოში ნედლეულად, ჯართთან ერთად, გამოყენებული იქნას რკინის ნახევარფაბრიკატი (სხმული, ნამზადი), რომელიც შესყიდული იქნება ბაზარზე მწარმოებლებისაგან ან/და იმპორტიორებისაგან. 

წლის განმავლობაში საწარმოში შესაძლებელი იქნება 2200 ტ. ნედლეულის (რკინის ჯართისა და რკინის სხმულის) გადადნობა. გადასამუშავებელი ჯართი წარმოადგენს არასახიფათო ნარჩენს. 

საწარმოში სხმულების ყალიბების დასამზადებლად საჭიროა კვარცის ქვიშა (წელიწადში 60 ტ.) და ბენტონიტი (წელიწადში 50 ტ.), ფეროშენადნობი 20 ტ-მდე, რომლთა შესყიდვაზეც გაფორმებული იქნება ხელშეკრულება მომწოდებლებთან.

გამოშვებული პროდუქციის სახეობა – საწარმოს პროდუქციას წარმოადგენს სხვადასხვა სახისა და დანიშნულების თუჯისა და ფოლადის სხმულები (დეტალები):

• საკომუნიკაციო ჭის თავსახურები;
• სხვადასხვა ფორმის ძელსკამის საყრდენები (ფეხები, საზურგეები);
• თუჯის მულდები;
• სამსხვრეველას ჯავშანი;
• წისვილის ბურთები;
• სხვა ნაკეთობები შეკვეთის შესაბამისად.

შეკვეთის შესაბამისად საწარმოს შეუძლია დაამზადოს ნებისმიერი ნაკეთობა, რომლის ზომა და წონა შეესაბამება დამონტაჟებული დანადგარების მწარმოებლურობას.

წარმადობა – 2 000 თუჯისა და ფოლადის ნაკეთობა; საათური წარმადობა – 1ტ/სთ 

სამუშო საათების რაოდენობა წელიწადში – 2 000 სთ;  250 დღე წელიწადში 5 დღიანი სამუშო კვირა

სამუშო საათების რაოდენობა დღე-ღამეში – 8 სთ

სულ დასაქმებული – 25 ადამიანი.

 

მოსაზღვრე საწარმოები: შპს „ჯეოსთილი“ (დასავლეთით 950 მეტრში), „რუსთავის აზოტი“ (სამხ.-აღმ. 670 მეტრში).    (500 მ-იან ფარგლებში არსებული საწარმოები იხილეთ ქვემოთ)

საწარმოდან გაფრქვეული, ატმოსფერული ჰაერის ძირითადი დამაბინძურებელი ნივთიერებებია: ლითონის მტვერი; შედუღების აეროზოლი; მანგანუმის ოქსიდები; ნახშირბადის ოქსიდი; აზოტის ოქსიდები; მტვერი; ტყვია; კადმიუმი; ვერცხლისწყალი; დარიშხანი; ქრომი; სპილენძი; ნიკელი; თუთია; გოგირდის ორჟანგი; ნახშირორჟანგი; ხის მტვერი.

მტვერდამჭერი სისტემა: მტვერდამჭერი სისტემა განკუთვნილია ღუმელში ჯართის ჩატვირთვისას, ინდუქციურ ღუმელებში დნობისას წარმოქმნილი აირმტვერნარევის გაწოვისა და გაწმენდისათვის. სისტემა შედგება ღუმელების თავზე მოწყობილი ქოლგების, აირმტვერსატარი სისტემის, ვენტილატორის, მშრალი მტვერდამჭერისა და გაფრქვევის მილისაგან. გამწმენდი სისტემაც შედის ღუმელების კომპლექტაციაში და მოწოდებული იქნება მწარმოებლის მიერ ღუმელებთან ერთად.

– აირგამწმენდი სისტემის სიმძლავრეა 14 000 მ3/სთ. ტექნოლოგიური პროცესების დროს გამოყოფილი აირნარევების გაწოვა ხორციელდება ორი ქოლგის მეშვეობით, რომლებიც ღუმელების პარალელურად მუშაობენ მონაცვლეობით.

ღუმლებში ჯართის ჩატვირთვის დროს ვენტილატორი ჩართულია, ქოლგა იწევა ზემოთ და უზრუნველყოფს ჩატვირთვის დროს ღუმელის თავზე წარმოქმნილი აირნარევის გაწოვას. 

სახელოიანი ფილტრი წარმოადგენს ლითონის კონსტრუქციას, რომლის შიგნით განთავსებულია ლითონის კარკასებზე ჩამოცმული ქსოვილის სახელოები. საფილტრი ელემენტების რეგენერაცია ხდება უკუშებერვით.

     

*  *  *

გზშ-ს მიხედვით, ტექნოლოგიური პროცესის დროს მეტალურგიულ უბანზე შესაძლებელია, წარმოიქმნას მეტალურგიული წიდა. მეტალურგიული წიდის მოსალოდნელი რაოდენობა იქნება 70 ტონამდე/წელ. 

საქართველოს მთავრობის 2015 წლის 17 აგვისტოს №426 დადგენილებით დამტკიცებული „სახეობისა და მახასიათებლების მიხედვით ნარჩენების ნუსხის განსაზღვრისა და კლასიფიკაციის შესახებ“ ნარჩენების ნუსხის შესაბამისად – შავი მეტალურგიისა და ფოლადსასხმელი ინდუსტრიიდან წარმოქმნილი წიდა (10 02 02) არ წარმოადგენს სახიფათო ნარჩენებს. 

წიდის გადაცემა დაგეგმილია შპს „რუსთავის ფოლადის“ წიდისა და ჯართის გადამამუშავებელ საწარმოზე (წიდასაყარი).

 

– შპს “ჯეო ენტერპრაიზს” მეტალურგიული საწარმოს მოწყობა- ექსპლუატაციაზე გარემოს ეროვნული სააგენტოს 08/08/2022 N246/ს ბრძანებით მიღებული აქვს გარემოსდაცვითი გადაწყვეტილება. საწარმოში დამონტაჟებულია რკინის ჯართის გამოსადნობი ორი ინდუქციური ღუმელი და წარმოებს სხვადასხვა სხმულების დამზადება. ობიექტმა მუშაობა დაიწყო 2022 წლის ოქტომბრიდან.

– 2023 წლის 23 ივნისს კომპანიამ წარადგინა სკოპინგის ანგარიში მეტალურგიული საწარმოს ექსპლუატაციის პირობების ცვლილების შესახებ, რაზეც სააგენტომ გასცა სკოპინგის დასკვნა და კომპანიას დაევალა გზშ ანგარიშის მომზადება.

2023 წლის 13 ოქტომბერს კომპანიამ გარემოსდაცვითი გადაწყვეტილების მიღების მიზნით სააგენტოს წარუდგინა მეტალურგიული საწარმოს ექსპლუატაციის პირობების ცვლილების გზშ ანგარიში. (ანგარიშის საჯარო განხილვა გაიმართა 2023 წლის 4 დეკემბერს).

შემდეგ ქვეთავში გაეცნობით გზშ ანგარიშის მიხედვით დაგეგმილი საქმიანობის შესახებ დეტალებს.

 

• საწარმოში დაგეგმილი ცვლილება

შპს „ჯეოენტერპრაიზს“ დაგეგმილი აქვს არსებულ მეტალურგიულ საწარმოში, ტიტანის ჯართისაგან აწარმოოს ფეროტიტანის შენადნობი. ასევე ფეროქრომის, ფეროვანადიუმის და ფეროტიტანის წარმოება ციცხვიღუმელში, ალუმინოთერმიის მეთოდით. 

ალუმინოთერმიით მისაღები ფეროშენადნობების წარმოების ხაზის განთავსება დაგეგმილია არსებული საწარმოს სამხრეთ-დასავლეთით, არსებულ სასაწყობე შენობაში, რომლის მშენებლობა განხორციელდა კომპანიის მიერ. 

სასაწყობე ფართში დამონტაჟდება ერთი სადნობი განყოფილება, სადაც დნობა განხორციელდება ციცხვი ღუმელში. 

ამ მეთოდით საწარმო გეგმავს 3 სხადასხვა ფეროშენადნობის მიღებას: ფეროქრომი, ფეროვანადიუმი და ფეროტიტანი, რომელთა წარმოება გათვალისწინებულია ერთიდაიმავე ტექნოლოგიურ ხაზზე (ერთ-ერთი რომელიმე), მოთხოვნის შესაბამისად. 

ექსპლუატაციის პირობების შეცვლის შემდეგ არსებული საწარმოს ტერიტორიაზე დაემატება ალუმინის ფხვნილის მიღების დანადგარი და ნადნობისაგან (თუჯი/ფოლადი) ცილპეფსის ბურთების ჩამოსხმის დანადგარი.

 

ექსპლუატაციის პირობების ცვლილებით ინდუქციური ღუმელების მუშაობის საათები გაიზრდება 4000 საათამდე. დღეში ორცვლიანი, 16 საათიანი სამუშაო რეჟიმით. 

არსებულ ინდუქციურ ღუმელებში დაგეგმილია ფეროტიტანის წარმოება, რომლის წლიური წარმადობა იქნება 1800 ტ/წელ. აღნიშნული პროდუქციის მისაღებად საჭირო დრო შეადგენს 1800 საათს.

ინდუქციურ ღუმელში დადგეგმილია ასევე ალუმინის ჯართის გადადნობა და ალუმინის ფხვნილის წარმოება. წელიწადში საწარმო გამოუშვებს 500 ტ. ალუმინის ფხვნილს, რომლის წარმოებას სასჭირდება 1000 საათი.

რადგან, ინდუქციური ღუმელები მუშაობენ მონაცვლეობით, შესაძლებელია მხოლოდ ერთი რომელიმე პროდუქციის (რკინის სხმულის ან ფეროტიტანის ან ალუმინის ფხვნილის) წარმოება. თითოეულის მაქსიმალური წარმადობა შეადგენს: რკინის სხმული 2000 ტ (თუჯი 1000 ტ. ფოლადი 1000ტ); ფეროტიტანი 1800 ტ; ალუმინის ფხვნილი 500 ტ. თითოეული პროდუქციის წარმოება დამოკიდებულია მათზე არსებულ მოთხოვნაზე.

ალუმინოთერმიის მეთოდით წარმოების ციცხვიღუმელის სამუშაო რეჟიმი იქნება 330 დღე წელიწადში, 24 საათიანი სამუშაო რეჟიმით. წელიწადში 7920 საათი. რადგან ალუმინოთერმიის მეთოდით მისაღები ფეროშენადნობების დღიური მწარმოებლურობა (საათური წარმადობა) სხვადასხვაა, ამ რეჟიმით მუშაობის დროს საწარმოს წარმადობა იქნება: ფეროქრომი 2976 ტ. ფეროვანადიუმი 400 ტ. ფეროტიტანი – 2494 ტ; თანმდევი ალუმინშემცველი ფლუსი 1900 დან 10296 ტ.-მდე.

ექსპლუატაციის პირობების შეცვლის შემდეგ საწარმოში სულ დასაქმებული იქნება 40 კაცი. 

 

გამოშვებული პროდუქცია:

ამჟამად საწარმოს პროდუქციას წარმოადგენს 2000 ტ. თუჯისა და ფოლადის სხმულები. 

ექსპლუატაციის პირობების შეცვლის შემდეგ, წარმოებული პროდუქცია იქნება: 

➢ თუჯისა და ფოლადის სხმულები – 2000 ტ. 

➢ ფეროტიტანი – 1800 ტ; 

➢ ალუმინის ფხვნილი – 0-500 ტ; 

➢ ფეროქრომი 0-დან 2976 ტ; 

➢ ფეროვანადიუმი – 0-დან 400 ტ. 

➢ ფეროტიტნი – 0-დან -2494 ტ; 

➢ ალუმინშემცველი ფლუსი 1900 დან 10296 ტ. 

➢ რკინისა და ტიტანის დნობის წიდა 140 -ტ. 

 

– ტექნოლოგიური პროცესების მიმდინარეობისას გამოიყოფა და ატმოსფეროში გაიფრქვევა შემდეგი ნივთიერებები: ლითონის მტვერი; შედუღების აეროზოლი; მანგანუმის ოქსიდები; ნახშირბადის ოქსიდი; აზოტის ოქსიდები; მტვერი; ტყვია; კადმიუმი; ვერცხლისწყალი; დარიშხანი; ქრომი; სპილენძი; ნიკელი; თუთია; გოგირდის ორჟანგი; ნახშირორჟანგი.

 

500 მეტრიან საზღვარში არსებული ობიექტები:

 

საწარმოს გენ-გეგმა:

 

საწარმოს განთავსების სიტუაციური სქემა:

იხილეთ საწარმოს ფოტოები:

 

***საწარმოს შესახებ უფრო დეტალური ინფორმაციისთვის შეგიძლიათ, გაეცნოთ შპს „ჯეო ენტერპრაიზის“ გზშ დოკუმენტებს თითოეული წარმოებისათვის. მეტალურგიული საწარმოს მოწყობა-ექსპლუატაციის შესახებ გზშ ანგარიშს იხილავთ ამ ბმულზე; გაეცანით, ჩვენი მიერ მომზადებულ მასალას საწარმოს მოწყობა-ექსპლუატაციის პროექტის გზშ ანგარიშის საჯარო განხილვის შესახებ. 

ხოლო მეტალურგიული საწარმოს ექსპლუატაციის პირობების ცვლილების შესახებ გზშ ანგარიშს იხილავთ ამ ბმულზე. გაეცანით, ჩვენი მიერ მომზადებულ მასალას საწარმოს ექსპლუატაციის პირობების ცვლილებაზე  გზშ ანგარიშის საჯარო განხილვის შესახებ. 

 

*კატალოგში ინფორმაცია მოცემულია 2023 წლის 4 დეკემბრის მონაცემებით.