შპს “ემ ენ ქემიკალ ჯორჯია” და შვილობილი კომპანია შპს “სულფეკო”- ძირითადი მონაცემები
შპს “ემ ენ ქემიკალ ჯორჯია” და შვილობილი კომპანია შპს “სულფეკო”- ძირითადი მონაცემები
იურიდიული მისამართი: ქ. რუსთავი, მშვიდობის ქუჩა N2
ფაქტიური მისამართი: ქ. რუსთავი, მშვიდობის ქუჩა N2
საქმიანობის სახე: ქიმიური მრეწველობა
საკონტაქტო პირი: მიხეილ ბუსხრიკიძე; 595 20 00 99
საწარმოს მდებარეობა რუკაზე: https://maps.app.goo.gl/8pfi8Cdw1WuNhBCH7
შპს „ემენ ქემიკალ ჯორჯიას“ კუთვნილი ტერიტორიის გენ-გეგმა:
1) მანგანუმის ოქსიდის წარმოება
აღნიშნულ პროექტზე კომპანიას 2011 წელს ჰქონდა მიღებული გარემოზე ზემოქმედების ნებართვა; ხოლო 2021 წლის 17 მაისს ხელმეორედ გაიცა ამ საქმიანობაზე გარემოსდაცვითი გადაწყვეტილება.
ობიექტის ფართობი: 108 768 მ2
უახლოესი დასახლებული პუნქტები: სოფ. თაზაქენდი – 2,4 კმ; და სოფ. ახალი სამგორი – 2,9 კმ.
ქ.რუსთავის მჭიდრო დასახლებებიდან დაშორებულია 3,8 კმ-ით.
მანძილი ზედაპირული წყლის ობიექტამდე (მდ. მტკვარი) – 4,6 კმ.
სამუშო გრაფიკი: 24 საათიანი, წელიწადში 250 დღე; დასაქმებულთა რაოდენობა – 50 ადამიანი.
შპს „ემენ ქემიკალ ჯორჯიას“ საქმიანობის მიზანია მანგანუმის მადნის კონცენტრატის შრობა, დაფქვა და აღმდგენელ ატმოსფეროში 900-9500C-ზე გამოწვით კონცენტრატის MnO2-დან Mn-ს აღდგენა, პროდუქციის გაცრა და დაფასოება.
ტექნოლოგიური სქემა: მადნის კონცენტრატის შემოტანა და დასაწყობება; მადნის კონცენტრატის შრობა და დაფქვა; მადნის კონცენტრატის აღმდგენელ ატმოსფეროში გამოწვა; მანგანუმის ოქსიდის გაცრა და დაფასოება; პროდუქციის ჩატვირთვა სატრანსპორტო საშუალებებში და გატანა.
საწარმოო ჩამდინარე წყლების წარმოქმნა მოსალოდნელი არაა, ვინაიდან საწარმოო პროცესში წყლის გამოყენება გათვალისწინებულია ბრინვითი პრინციპით.
აირგამწმენდ ფილტრებში დაგროვილი წვრილდისპერსიული მასა, ასევე კონდიციური ნარჩენები წარმოადგენს და სრულად ბრუნდება ტექნოლოგიურ ციკლში.
2) მანგანუმის ოქსიდის საწარმოს ტერიტორიაზე ახალი ტექნოლოგიური ხაზის (გოგირდმჟავას წარმოება) მშენებლობის და ექსპლუატაციის პროექტი – გზშ ანგარიში (2020წ)
აღნიშნულ საქმიანობაზე შპს „ემენ ქემიკალ ჯორჯიამ“ 2019 წლის 16 დეკემბერს მიიღო სკოპინგის დასკვნა, ამის შემდეგ, შპს „ემენ ქემიკალ ჯორჯია“-მ მიიღო გადაწყვეტილება დაგეგმილი საქმიანობის ახალი კომპანიის სახელით განხორციელების თაობაზე, რისთვისაც შეიქმნა შვილობილი კომპანია შპს „სულფეკო“.
შპს „სულფეკო“-ს 100%-იანი წილის მფლობელია შპს „ემენ ქემიკალ ჯორჯია“. გოგირდმჟავას საწარმოს განთავსებისათვის საჭირო 1 ჰა ფართობის მიწის ნაკვეთი, შპს „ემენ ქემიკალ ჯორჯია“- საგან 10 წლიანი იჯარით გადაეცა შპს „სულფეკო“-ს.
შპს „სულფეკო“-ს საიდენტიფიკაციო კოდი: 416350059
საკონტაქტო პირი: ნინო კალმახელიძე; 592 922 515
საწარმო მოეწყობა დაახლოებით 5000 მ2-ზე;
მიწის ნაკვეთის საკადასტრო კოდი არის: 02 07 01 002.
საწარმოს შემადგენლობაში იქნება: ნედლეულის (გოგირდი) საწყობი, საწარმოო შენობა, მზა პროდუქციის საწყობი და სხვა დამხმარე სათავსები. შპს „სულფეკო“-ს გოგირდმჟავას საწარმოო პროცესი იქნება სრულიად დამოუკიდებელი შპს „ემ ენ ქემიკალ ჯორჯია“-ს მანგანუმის ოქსიდის საწარმოო პროცესისგან, შესაბამისად ამ ორ საწარმოს ერთმანეთთან არანაირი ფუნქციური კავშირი არ ექნება.
საპროექტო ტერიტორიიდან უახლოესი საცხოვრებელი სახლი სოფ. თაზაქენდი მდებარეობს დაახლოებით – 2,6 კმ-ის მოშორებით;
მანძილი ზედაპირული წყლის ობიექტამდე (მდ. მტკვარი) – ≈4,7კმ.
განსახილველი ობიექტის 500 მ-იანი რადიუსის ფარგლებში მდებარეობს მხოლოდ სს „რუსთავის აზოტი“-ს და შპს „ემ ენ ქემიკალ ჯორჯია“-ს საწარმოო ტერიტორიები.
ტექნოლოგიური პროცესის აღწერა:
საწარმოს წარმადობა იქნება 60 ტ/დღე, რაც წლის განმავლობაში შეადგენს 18 000 ტ.
საწარმოს ტექნოლოგიური პროცესის მთავარ ნედლეულს წარმოადგენს მხოლოდ გოგირდი და შესაბამისად დამატებითი სხვა ნივთიერებების გამოყენება არ არის საჭირო.
სამუშაო გრაფიკი: ექსპლუატაციის ფაზაზე დასაქმდება 15 ადამიანი 24 საათიანი 3 ცვლიანი სამუშაო გრაფიკით. საწარმო იმუშავებს მთელი წლის განმავლობაში (დაახლოებით 300 დღე) დასვენების დღეების გათვალისწინებული.
სატრანსპორტო ოპერაციები: ექსპლუატაციის ეტაპზე სატრანსპორტო ოპერაციების განხორციელდება პროდუქტის შემოტანა-გატანისთვის, რისთვისაც გამოყენებული იქნება როგორც საავტომობილო, ასევე სარკინიგზო ტრანსპორტი (გოგირდის და გოგირდმჟავას ტრანსპორტირება), ამასთან აღსანიშნავია, რომ გოგირდმჟავას მომხმარებელი ძირითადად იქნება სს „რუსთავის აზოტი“, შესაბამისად, გზშ ანგარიშის მოხედვით, ამ მხრივ მნიშვნელოვანი სატრანსპორტო ოპერაციები ქალაქის მიმართულებით არ არის მოსალოდნელი, რადგან შპს „სულფეკო“-ს საპროექტო საწარმო და სს „რუსთვის აზოტი“-ს საწარმოო ტერიტორია ერთმანეთის მომიჯნავედ მდებარეობს. ძირითადი ნედლეულის გოგირდის შემოტანა მოხდება ირანიდან. საწარმოს ექსპლუატაციის ეტაპზე მოსალოდნელია დაახლოებით 30-35 სატრანსპორტო ოპერაცია თვეში. საწარმოში ნედლეულის შემოტანა შესაძლებელი იქნება ქ. რუსთავის შემოვლითი გზებით ისე, რომ ქალაქის მჭიდროდ დასახლებული უბნებში გამავალი ქუჩების გამოყენება საჭირო არ იქნება.
ატმოსფეროშო გაფრქვეული ნივთიერებები (გაბნევის ანგარიში): აზოტის დიოქსიდი, აზოტის ოქსიდი, ჭვარტლი, გოგირდის დიოქსიდი, ნახშირბადოს ოქსიდი, ნახშირწყალბადების ნავთის ფრაქცია, შეწონილი ნაწილაკები.
3) მანგანუმის სულფატის საწარმოს (ძირითადი არაორგანული ნაერთების წარმოება) მოწყობისა და ექსპლუატაციის პროექტი – გზშ ანგარიში (2021წ)
(აღნიშნულ პროქტზე საწარმოს განცხადება სამინისტროს ვებ-გვერდზე განთავსდა 2021 წლის 7 აპრილს)
პროექტზე გარემოსდაცვითი გადაწყვეტილების გაცემის თარიღი: 29.10.2021
დაგეგმილი საქმიანობა გულისხმობს მანგანუმის სულფატის საწარმოს ტექნოლოგიური ხაზის მოწყობას და ექსპლუატაციას. პროექტის მიხედვით საქმიანობა განხორციელდება შპს „ემენ ქემიკალ ჯორჯია“-ს მანგანუმის ოქსიდის საწარმოს ტერიტორიის ფარგლებში, არსებული საწარმოო შენობის სამხრეთ-აღმოსავლეთით მდებარე თავისუფალ ტერიტორიაზე, საპროექტო საწარმო განთავსდება დაახლოებით 4000 მ 2 მიწის ნაკვეთზე, რომლის საკადასტრო კოდი არის 02 07 01 002.
საიდენტიფიკაციო კოდი: 216330325
საწარმოს შემადგენლობაში იქნება: ტექნოლოგიური ციკლის უბანი, დაფასოების და საწყობის უბანი, ლაბორატორია, მართვის ოთახი და შლამის განთავსების უბანი.
საპროექტო ტერიტორიიდან უახლოესი საცხოვრებელი სახლი სოფ. თაზაქენდი მდებარეობს დაახლოებით 2,6 კმ-ის მოშორებით.
მანძილი ზედაპირული წყლის ობიექტამდე (მდ. მტკვარი) – ≈4,7კმ-ში.
განსახილველი ობიექტის 500 მ-იანი რადიუსის ფარგლებში მდებარეობს მხოლოდ სს „რუსთავის აზოტი“-ს და შპს „ემ ენ ქემიკალ ჯორჯია“-ს საწარმოო ტერიტორიები, მათ შორის საპროექტო გოგირდმჟავას საწარმო.
მანგანუმის სულფატის საწარმოს საპროექტო ტერიტორიის მიახლოებითი გეოგრაფიული კოორდინატები:
| N | X | Y | N | X | Y |
| 1 | 505255 | 4597974 | 3 | 505335 | 4597936 |
| 2 | 505289 | 4597999 | 4 | 505301 | 4597913 |
საწარმოს განთავსების ადგილმდებარეობის სიტუაციური სქემა:
საწარმოდან 500 მ-იან რადიუსში არსებული საწარმოები:
ტექნოლოგიური ციკლის აღწერა:
ქვემოთ. საწარმოს მაქსიმალური წარმადობა იქნება 1 800 ტ/თვეში, ხოლო 21 600 ტ/წელ. საჭირო ძირითადი ნედლეულის მაქსიმალური რაოდენობა: მანგანუმის ოქსიდი 1 200 ტ/თვე, 14 400 ტ/წელ, გოგირდმჟავა: 1 250 ტ/თვე და 15 000 ტ/წელ, 10-10 ტ/თვე და 110-110 ტ/წელ CaO (კირი), NaHS და SO2.
რაც შეეხება ტექნოლოგიური პროცესისთვის საჭირო სხვადასხვა პროდუქციას SO2, NaHS, CaO ტერიტორიაზე შემოვა მზა სახით. კირი იწარმოება საქართველოში, ნატრიუმის ჰიდროსულფიდი შემოვა ირანიდან ან ჩინეთიდან. გოგირდის დიოქსიდს კომპანია მიიღებს გოგირდმჟავას ქარხნიდან მილის საშუალებით (გოგირდმჟავას საპროექტო საწარმოდან).
რაც შეეხება მანგანუმის ოქსიდს და გოგირდმჟავას, მათი შემოტანა ადგილობრივი საწარმოებიდან მოხდება მცირე პარტიებით, ხოლო გოგორდის დიოქსიდი მილსადენით ან სპეციალური მაღალი წნევის ბალონებით მიწოდებული იქნება უშუალოდ გოგირდმჟავას საწარმოდან.
ემისიების მართვა / ფილტრები
მანგანუმის სულფატის საწარმოში ტექნოლოგიური პროცესები მიმდინარეობს დახურული ციკლით და ატმოსფერულ ჰაერში გაფრქვევას ადგილი აქვს მხოლოდ ტექნოლოგიური ციკლის ბოლო სტადიაზე, კერძოდ: მანგანუმის სულფატის შრობის და დაფოსოების პროცესში. შესაბამისად ატმოსფერულ ჰაერში ადგილი აქვს მზა პროდუქციის, მანგანუმის სულფატის გაფრქვევას, რაც საწარმოსათვის წარმოადგენს დანაკარგს და აქედან გამომდინარე, როგორც გზშ-ში ვკითხულობთ, არსებობს ემისიის მინიმუმამდე შემცირების დიდი ინტერესი.
მანგანუმის სულფატი შრობა ხდება ციკლონებში ცხელი ჰაერის მიწოდებით და შრობის პროცესში პროდუქციის ძირითადი ნაწილი ილექება ციკლონის ბუნკერში მიეწოდება დასაფასოებელ დანადგარს. ციკლონებიდან მანგანუმის სულფატის მტვრის შემცველი ჰაერი გაწმენდის მიზნით მიეწოდება სკრუბერში. იქიდან გამომდინარე, რომ მანგანუმის სულფატი წყალში ხსნადია, მტვრის დასაჭერად გამოიყენება სველი სკრუბერი, რომელშიც ცირკულირებს წყალი. მანგანუმის სულფატის მტვერი იხსნება წყალში და განზავებული ხსნარი მიეწოდება გამოტუტვის სისტემაში
სკრუბერში მიწოდებულ ჰაერში პროდუქციის მტვრის შემცველობა იქნება 10 გ/მ3, ხოლო სკრუბერის გამოსასვლელზე 0.1 გ/მ3. შესაბამისად სკრუბერის ეფექტურობა შეადგენს 99%-ს.
სკრუბერის გამფრქვევი მილიდან, გაფრქვეული აირის მოცულობა შეადგენს მიახლოებით 25 მ3/წამს. გაფრქვეული აირი შეიცავს ჰაერს და მცირე რაოდენობა მანგანუმის სულფატის მონოჰიდრატს, რომლის კონცენტრაცია არის 100 მგ/მ3 (0.1 გ/მ3)-ზე მცირე.
სამუშო გრაფიკი: ექსპლუატაციის ფაზაზე დასაქმდება 30 ადამიანი 24 საათიანი 3 ცვლიანი სამუშაო გრაფიკით. საწარმო იმუშავებს მთელი წლის განმავლობაში (დაახლოებით 300 დღე) სახელმწიფო დასვენების დღეების გათვალისწინებული.
ატმოსფერულ ჰაერში გაფრქვეული ნივთიერებები: მანგანუმი და მისი ნაერთები; აზოტის (IV) ოქსიდი; ნახშირბადის ოქსიდი; შეწონილი ნაწილაკები; არაორგანული მტვერი 70-20% SiO2.
იხილეთ საწარმოს ფოტოები:
***საწარმოს შესახებ უფრო დეტალური ინფორმაციისთვის შეგიძლიათ, გაეცნოთ შპს „ემენ ქემიკალ ჯორჯიას“ გზშ დოკუმენტებს თითოეული წარმოებისათვის; დოკუმენტებს იხილავთ ამ ბმულზე.
ასევე, გაეცანით ჩვენ მიერ მომზადებულ მასალას მანგანუმის სულფატის საწარმოს მოწყობა-ექსპლუატაციის პროექტის გზშ ანგარიშის საჯარო განხილვის შესახებ.