გარემოსდაცვითი ზედამხედველობის ეფექტურობის შეფასება რუსთავის სამრეწველო ობიექტების საქმიანობის კონტროლის მაგალითზე

გარემოსდაცვითი ზედამხედველობის ეფექტურობის შეფასება რუსთავის სამრეწველო ობიექტების საქმიანობის კონტროლის მაგალითზე

კვლევა აფასებს გარემოსდაცვითი ზედამხედველობის ეფექტურობას რუსთავის სამრეწველო ობიექტების კონტროლის მაგალითზე. შესაბამისად, რუსთავის რეალობიდან გამომდინარე კვლევაში ყურადღება გამახვილებულია გზდ-ს საქმიანობასა და რეაგირების პრაქტიკაზე ატმოსფერული ჰაერის დაბინძურების შემთხვევების საპასუხოდ.

ამ მიზნით, კვლევა აღწერს გარემოსდაცვითი ზედამხედველობის სისტემას საქართველოში; კანონმდებლობას ატმოსფერული ჰაერის დაცვის შესახებ; დეპარტამენტის სტრუქტურას; კონტროლის სამსახურებს; დეპარტამენტის მიერ გარემოსდაცვით სამართალდარღვევათა საპრევენციოდ განხორციელებულ ღონისძიებებს; ინსპექტორების საქმიანობას. პარალელურად კი, გვთავაზობს გარემოსდაცვითი კანონაღსრულების საუკეთესო საერთაშორისო გამოცდილებას.

მოცემული საკითხების, მათ შორის, მთავარი სახელმწიფო ინსპექტორისგან მიღებული ინფორმაციის საფუძველზე კვლევა აანალიზებს და გამოკვეთს გარემოსდაცვითი ზედამხედველობის წინაშე არსებულ გამოწვევებს, რომელთა შორისაა, ჩატარებული ინსპექტირებების რაოდენობის არასაკმარისობა, ინსპექტორების ნაკლებობა, დეპარტამენტის ცხელ ხაზზე შესულ შეტყობინებებზე რეაგირების ეფექტურობა. გარდა ამისა, კვლევა რეკომენდაციების სახით გვთავაზობს არსებული გამოწვევების გადაჭრის გზებს და სამრეწველო ობიექტების შემოწმების შედეგად აღმოჩენილ სამართალდარღვევებზე რეაგირების პრაქტიკის ანალიზს.

ანგარიში შეგიძლიათ, იხილოთ ამ ბმულზე

ანგარიში მომზადებულია პროექტის „ადვოკაიტრება სუფთა ჰაერისთვის რუსთავში“ ფარგლებში „ღია საზოგადოების ფონდის“ ფინანსური მხარდაჭერით.

ავტორების მიერ საინფორმაციო მასალაში გამოთქმული მოსაზრება შესაძლოა, არ გამოხატავდეს ფონდის პოზიციას. შესაბამისად, ფონდი არ არის პასუხისმგებელი მასალის შინაარსზე.