სამუშაო ჯგუფის ფარგლებში შპს „სტანდარტ ცემენტის“ გზშ ანგარიშის განხილვა გაიმართა
სამუშაო ჯგუფის ფარგლებში შპს „სტანდარტ ცემენტის“ გზშ ანგარიშის განხილვა გაიმართა
დღეს, 30 ნოემბერს, სამოქალაქო მოძრაობის „გავიგუდეთ“ ორგანიზებით ცემენტის საწარმოს – შპს „სტანდარტ ცემენტის“ გზშ ანგარიშის განხილვის, კომენტარებისა და შენიშვნების მომზადების მიზნით სამუშაო ჯგუფის ფარგლებში შეხვედრა გაიმართა.
კომპანია აწარმოებს, როგორც წვრილ საკედლე ბლოკს, ასევე ცემენტს. ცემენტს აწარმოებს თაბაშირისა და დანამატის დაფქვის საშუალებით, რისთვისაც კომპანია იყენებს ორ ერთეულ ჩინური წარმოების წისქვილს.
საწარმო აწარმოებს სამი მარკის – 300, 400, 500 – ევროპული სტანდარტების შესაბამის ცემენტს.
წარმოდგენილი გზშ ანგარიში ეხება ცემენტის საწარმოს ექსპლუატაციის პირობების ცვლილებას, კერძოდ, დაგეგმილია ცემენტის ახალი წისქვილის მოწყობა, ნედლეულის საწყობის გაფართოება და დამატებით 4 ერთეული 120 მ3 ტევადობის ცემენტის სილოსების დამონტაჟება.
პროექტის მიხედვით გათვალისწინებულია საწარმოს ტერიტორიაზე არსებული ორი, საერთო წარმადობით 84 000 ტ/წელ, წისქვილის ექსპლუატაციის შეწყვეტა და მათ ნაცვლად ერთი, ახალი, 160 000 ტ/წელ წარმადობის წისქვილის დამონტაჟება.
სამუშაო ჯგუფის შეხვედრა დისტანციურ რეჟიმში გაიმართა და მას მოწვეული ტრენენრი უძღვებოდა. შეხვედრაზე დეტალურად მიმოვიხილეთ გზშ ანგარიში და მოვამზადეთ წერილობითი პოზიცია, სადაც ასახულია მოძრაობის შენიშვნები და რეკომენდაციები, რომელთაც გარემოს ეროვნულ სააგენტოსთან ერთად მოსახლეობასაც გავუზიარებთ.
შპს „სტანდარტ ცმენეტის“ ცემენტის საწარმოს ექსპლუატაციის პირობების ცვლილების პროექტზე გზშ ანგარიშის განხილვა ქ.რუსთავის მერიაში 13 დეკემბერს 14:00 საათზე გაიმართება. საჯარო განხილვაზე დასწრება ნებისმიერ მსურველს შეუძლია.
გზშ დოკუმენტი შეგიძლიათ, იხილოთ ბმულზე.
შეხვედრა გაიმართა „დემოკრატიის ევროპული ფონდის“ ფინანსური მხარდაჭერით, პროექტის „ვიცავთ უფლებას სუფთა ჰაერზე რუსთავში“ ფარგლებში