სამუშაო ჯგუფის ფარგლებში შპს „მშენებელი 2004“-ის გზშ ანგარიშის განხილვა გაიმართა

დღეს, 25 ოქტომბერს, სამოქალაქო მოძრაობის „გავიგუდეთ“ ორგანიზებით ცემენტის საწარმოს შპს “მშენებელი 2004”-ის გზშ ანგარიშის განხილვის, კომენტარებისა და შენიშვნების მომზადების მიზნით სამუშაო ჯგუფის შეხვედრა გაიმართა.

შპს „მშენებელი 2004“-ს დაგეგმილი აქვს ცემენტის საწარმოს ექსპლუატაციის პირობების ცვლილება, კერძოდ, წარმადობის გაზრდა. რისთვისაც საწარმოში აქამდე არსებულ 3 ტ/სთ წარმადობის წისქვილს დაემატება ახალი, 8 ტ/სთ წარმადობის ბურთულებიანი წისქვილი.

როგორც გზშ-ში ვკითხულობთ, ამჟამად 8 ტონა/საათი წარმადობის ბურთულებიანი წისქვილი იმყოფება ექსპლუატაციაში, ხოლო 3 ტონა/საათი წარმადობის ბურთულებიანი წისქვილი არის ავარიულ მდგომარეობაში. კომპანიას დაგეგმილი აქვს აღნიშნული წისქვილის სარემონტო სამუშაოების ჩატარება, რის შემდგომ მოხდება ორივე წისქვილის ერთდროული ექსპლუატაცია.

ამასთან, არსებულ ცემენტის ხუთ სილოსს დაემატა ორი სილოსი, რის შემდგომ მათი რაოდენობა გახდა 7. ტევადობებით 3 ცალი – 80 ტონა თითოეული, 4 ცალი – 50 ტონა თითოეული.

სამუშაო შეხვედრა გაიმართა zoom პლატფორმის მეშვეობით და მას მოწვეული ტრენერი უძღვებოდა. შეხვედრაზე დეტალურად განვიხილეთ ანგარიში და მოვამზადეთ კომენტარები, რომელსაც საჯარო განხილვაზე გავაჟღერებთ. ჩვენს პოზიციას წერილობით გავუგზავნით გარემოს ეროვნულ სააგენტოს და გავუზიარებთ მოსახლეობას.

გზშ ანგარიშის საჯარო განხილვა გაიმართება 26 ოქტომბერს, 12:00 საათზე რუსთავის მერიაში.

ანგარიში შეგიძლიათ, იხილოთ ამ ბმულზე.