სამუშაო ჯგუფის ფარგლებში შპს „ჯეო ენტერპრაიზის“ სკოპინგის ანგარიშის განხილვა გაიმართა

სამუშაო ჯგუფის ფარგლებში შპს „ჯეო ენტერპრაიზის“ სკოპინგის ანგარიშის განხილვა გაიმართა

დღეს, 13 ივლისს, სამოქალაქო მოძრაობის „გავიგუდეთ“ ორგანიზებით მეტალურგიული საწარმოს – შპს „ჯეო ენტერპრაიზის“ სკოპინგის ანგარიშის განხილვის, კომენტარებისა და შენიშვნების მომზადების მიზნით სამუშაო ჯგუფის შეხვედრა გაიმართა.

შპს „ჯეო ენტერპრაიზს“ დაგეგმილი აქვს არსებულ მეტალურგიულ საწარმოში, ტიტანის ჯართისაგან აწარმოოს ფეროტიტანის შენადნობი.

ასევე ფეროქრომის, ფეროვოლფრავის, ფერომოლიბდენისა და ფერონიობიუმის წარმოება ციცხვ ღუმელში, ალუმინოთერმიის მეთოდით.

ალუმინოთერმიით მისაღები ფეროშენადნობების წარმოების ხაზის განთავსება დაგეგმილია არსებული საწარმოს სამხრეთ-დასავლეთით არსებულ სასაწყობე შენობაში, რომლის მშენებლობა მიმდინარეობს კომპანიის მიერ.

სასაწყობე ფართში დამონტაჟდება ერთი სადნობი განყოფილება, სადაც დნობა განხორციელდება ციცხვ ღუმელში.

ამ მეთოდით საწარმო ბაზრის მოთხოვნის შესაბამისად გეგმავს 4 სხადასხვა ფეროშენადნობის მიღებას: ფეროქრომი, ფეროვოლფრამი, ფერომოლიბდენი და ფერონიობიუმი, რომელთა წარმოება გათვალისწინებულია ერთიდაიმავე ტექნოლოგიურ ხაზზე, მოთხოვნის შესაბამისად.

ექსპლუატაციის პირობების შეცვლის შემდეგ არსებული საწარმოს ტერიტორიაზე დაემატება ალუმინის ფხვნილის მიღების დანადგარი და ნადნობისაგან (თუჯი/ფოლადი) ცილპებსის (საფქვავი სხეულები) ბურთების ჩამოსხმის დანადგარი.

სამუშაო შეხვედრა გაიმართა zoom პლატფორმის მეშვეობით და მას მოწვეული ტრენერი უძღვებოდა. შეხვედრაზე დეტალურად განვიხილეთ ანგარიში და მოვამზადეთ კომენტარები, რომელსაც საჯარო განხილვაზე გავაჟღერებთ. ჩვენს პოზიციას წერილობით გავუგზავნით გარემოს ეროვნულ სააგენტოს და გავუზიარებთ მოსახლეობას.

სკოპინგის დოკუმენტი შეგიძლიათ, იხილოთ ბმულზე. საჯარო განხილვა გაიმართება 14 ივლისს, 14:00 საათზე რუსთავის მერიაში.

შეხვედრა გაიმართა USAID-ის სამოქალაქო საზოგადოების ჩართულობის პროგრამის ფარგლებში ამერიკის შეერთებული შტატების საერთაშორისო განვითარების სააგენტოს (USAID) დაფინანსებით.

შეხვედრის შინაარსზე პასუხისმგებელია „ეკო ცენტრი“. ის შესაძლოა არ გამოხატავდეს EWMI-ს, USAID-ის ან/და ამერიკის შეერთებული შტატების მთავრობის შეხედულებებს.